1Te UEA, N na anenea n taai nako taekan am Tangira ae Teimatoa;
N na aki toki ni kaotiota taekan am Kakaonimaki.
2I ataia b'a akea tokin am Tangira,
ao e nene ni matoatoa am Kakaonimaki n ai aroni karawa.
3E taku am Taeka, “I a tia ni karaoa au boraraoi ma te aomata are I rineia;
I a tia ni kab'aka au taeka nakon au toro are Tawita, ni kaangai,
4‘E na uea n aki toki temanna man am Kariki;
N na kateimatoa te nakoa n uea n am Kariki n aki toki.’ ”
5Te UEA, a anene kaaini karawa ni kamoamoaai am M'akuri aika kamimii ake Ko karaoi,
Ao a anenea taekan am Kakaonimaki taian anera
6Te UEA, akea n ai arom i karawa;
akea i buakoia kaaini karawa ae ti te bo ma Ngkoe.
7E korakora makakim irouia kaain te kauntira i karawa;
Ko kakamaaku nakoia ake a mena i rarikim.
8Te UEA ae te Atua are Moan te M'aaka, akea n ai arom ni korakora;
te UEA, Ko kakaonimaki ni b'aai nako.
9Ko taua aroni marawa;
Ko katoki korakoran naona.
10Ko kamanatua Raaba ao e tiringnga;
Ko katae aia kai am Kairiribai ni korakorani m'aakam.
11Am B'ai karawa ma aon te aba;
Ko karaoa aonnaba ma b'aai ni kabane ake iai.
12Ko kariki aaba nako i aang ao nako aiaki;
A anene ni kim'areirei nakoim Tabora ma Oman.
13Ai m'akara Ngkoe!
Ai kamakuraa korakoram!
14Ko katea ueam i aon te eti ma te motikitaeka ae e raoiroi;
E ri moam te tangira ma te kakaonimaki b'a kanga taan ua-rongorongo i bukim.
15Te UEA, ai kab'aia ra akana anene n taromauriko,
Akana karaoia i matam ae Ko kukurei iai.
16A kim'areirei n taai nako i bukim,
Ao a neboiko i bukin ae Ko raoiroi nakoia.
17Ko anganira te korakora are ti na kona iai n tokanikai i aoia aiara;
Ko katokanikaira i bukina b'a Ko tangirira.
18Boni Ngkoe, te UEA, ae Ko rinea ae na kamanoira;
Boni Ngkoe, Atuan Iteraera ae tabu, ae Ko anganira ara uea.
Ana Taeka N Akoi Te Atua Nakon Tawita19Ko taku n taai ake ngkoa i nanoni te mii nakoia am Toro ake a kakaonimaki,
“I a tia ni buoka te tautia ae bati n ataaki;
I a tia n anga te kaintokanuea nakon temanna ae I rineia mai buakon te botannaomata.
20I a tia ni kauea au toro are Tawita
ngke I kabiria n te b'aa are tabu.
21Iriana korakorau n taai nako,
E na kakorakoraki ni m'akau.
22A na aki kona aona aiana;
E na aki kona ni konaaki irouia akana buakaka.
23N na kamanatuaia aiana,
Ao N na kamateia ni kabaneia akana ribaia.
24N na tangiria ma ni kakaonimaki nakoina;
N na kakatokanikaia n taai nako.
25N na karababaa nako tian ueana
man te Mereterenian nakon te karaanga are te Iuberetiti.
26Ane e na kaangai nako iu,
‘Bon Tamau ao Atuau Ngkoe; te
tia katanai ao te tia kamaiuai.’
27N na karikia b'a natiu ae te karimoa,
ae te kabanea ni kakannato i buakoia uea.
28N na aki toki ni kakoro bukin au taeka n akoi nakoina,
Ao e na teimatoa au boraraoi ma ngaia n aki toki.
29E na tei maan ueana n ai aron tei maanin karawa;
E na ririki temanna n ana kariki b'a te uea n te tai teuana ma teuana.
30Ma ngkana a aki ongeaba ana kariki nakon au tua,
ao n aki iri nanon au kaetieti,
31Ngkana a uru au babaire
ao a aki kawakin au taeka,
32Ao N na kareke kaia i bukin aia bure;
N na karawawataia i bukin aia buakaka.
33Ma e na aki toki tangiran Tawita irou
Ao N na teimatoa ni kawakina au taeka n akoi nakoina.
34N na aki urua au boraraoi ma ngaia
ke ni bita au taeka are I a tia ni kab'aka nakoina.
35I a tia n tuea ao N na boni kakoro
bukin au taeka ngkai te Atua Ngai:
B'a N na bon aki kona ni kewe nakon Tawita.
36E na aki toki n uea kaain ana utu
Ao e na teimatoa ueana n ai aron otan taai i matau.
37E na tei maan n ai aron nam'akaina,
are te tia kakoaua ae kakaonimaki i karawa.”
Te B'aeb'aeti I Bukini Konaakin Te Uea38Ma Ko un iroun te uea are Ko rineia;
Ko a tia n rawa i rouna ao Ko ribaia.
39Ko a tia n urua am Boraraoi ma am Toro
ao Ko anaa nakoana n uea mai rouna.
40Ko a tia n ururu oon ana kaawa ao
Ko kamaenikun ana tabo ni karabaraba.
41A iraeaki ana b'ai irouia akana rikekei;
A ngareakinna aomata ni kabaneia akana maeka i rarikina.
42Ko anga te tokanikai nakoia ana kairiribai;
Ao Ko kakukureia ni kabaneia.
43Ko kakeai bonganan ana b'ai ni buaka,
Ao Ko aki katokanikaia n te buaka.
44Ko anaa m'akana n uea mai rouna,
Ao Ko kab'aka man nakoana n uea.
45Ko karaoa ae e na moantaai ni kara iai,
ao e taonaki n te mamaa ae bati.
Te Tataro I Bukin Te Kani Kamaiuaki46Te UEA, Ko na karabako n aki toki?
Maanraa ana tai n ura unim n ai aron te ai?
47Uringa ae e kimototo maiu;
uringa ae Ko karikira ni kabaneira b'a aomata aika iriani maiuia te mate.
48Akea te aomata ae kona n
inaomata man te mate ke te ruanimate.
49Te Uea, tera ae Ko kona ni karaoia
b'a kaotan ae Ko tangirira n ai aron are Ko tataneiai iai,
Ao kaotan ae Ko kakawakin am Taeka
n akoi ake a tia ni b'aka nakon Tawita?
50Tai m'aninga arou, ngai ae am Toro, ngke I b'ainingareaki,
Ao ngke I taotaona nanou nakon taeka n iowawa
mairouia botannaomata ake akea karineam irouia.
51Te UEA, a taetae n iowawa am Kairiribai nakon te uea are Ko rineia!
A taetae nakoina n te aro anne ike e nako iai.
52Kam na neboa te UEA n aki toki!
Amen! Amen!
Who We AreWhat We EelieveWhat We Do
2025 by iamachristian.org,Inc All rights reserved.
