1Ao a m'ananga Iteraera mai ikekei nakon taian tabuki ake i Moaba, ao a manga katei maeka i mainikun te Karaanga are te Ioretan ni kaaitaraa te kaawa are Ieriko n iteran te karaanga are teuana.
2Ao ngke e ongo B'araka are uean Moaba ma ana aomata m'aitiia Iteraera,
3ao te b'ai are a karaoia nakoia kaain Amora, ao e a rangi ni maaku te uea ma kaain Moaba, ao a aki ataa te b'ai ae a na karaoia.
4Ao a taku nakoia taani kairiri mai Miria, “A na kamaunai b'aai ni kabane ake a mena i mataia Iteraera aikai, kaanga ai aron te kaomm'aane ngkana e kana uteuten te katawanang.”
Ma ngaia are, e kanakoa ana rongorongo
5te uea are B'araka nakon B'araam are natin Beora are e maeka i buakoia ana koraki n te kaawa are Betora i rarikin te Karaanga are Iuberetiti, ao e taku:
I kainanoa am i buobuoki, A katei maeka ngkai i rarikin abau te koraki n aomata ae korakora, aika a roko mai Aikubita.
6Ti aki kona n tokanikai i aoia b'a a korakora riki nako ira, ma ngaia are, I a butiiko b'a ko na nakomai n anga am katekebuaka nako ia. E na mena ngkoa, ao ti a ti kona naba ni kakioia nako. I kakoaua b'a ane e kakab'aiaki, ao e na bon tokanikai, ao ane e katekebuakaia, ao e na boni konaaki.
7Ao a m'ananga taani kairiri mai Moaba ao Miria, ao a uota aia m'ane b'a a na kabooa B'araam n ana m'akuri. Ao ngke a roko n ana auti, ao a tuangnga ana rongorongo B'araka.
8Ao e kaeka B'araam, “Tiiku ikai ni ua te ingabong. I a tuangkami Ana taeka te UEA nakon te ingabong.” Ma ngaia are, a tiku aobitia akekei n ana auti.
9Ao te UEA, E a titirakina B'araam ngke a tairiki ao E taku, “Antai aomata akana n am auti?”
10Ao e kaeka B'araam, “Bon ana taani ua rongorongo B'araka are uean Moaba. E kanakomaia
11b'a a na butiai b'a N na nako Moaba ni katekebuakaia aomata ake a mena ikekei, aika roko mai Aikubita.
12Ma E kaeka te Atua ni kaangai, “Ko na aki iriia ana taan ua rongorongo B'araka. I a tia ni kakab'aiaia aomata akana a roko mai Aikubita akanne, ma ngaia are, ko na aki katekebuakaia.”
13Ao e taku B'araam nakoia ana aobitia B'araka, “Naako okira ami auti. E taku te UEA b'a N na aki iringkami.”
14Ao a nako aobitia akekei, ao a tuanga B'araka ae e rawa n iri B'araam.
15Ao e a manga kanakoia ana aobitia B'araka aika m'aiti, ma ni kakannato riki nako ia ake mai m'aaina.
16Ao a nako ni kawara B'araam, ma n tuangnga ana taeka B'araka, ao a taku, “B'araam, ngkana ko irira nako Moaba,
17ao ko na kabooaki n te bo ae raoiroi, ao a na karaoaki b'aai ni kabane akana ko bubuti iai. Taiaoka ma nakomai katekebuakaia aomata aikai.”
18Ao e kaeka B'araam ao e taku, “E ngae ngkana e anganai te bareti ae on n te tirewa ma te koora, ao N na bon aki karaoa naba te m'akuri n aki ongotaeka nakon te UEA ae Atuau.
19I rangi ni butim'aingkami b'a kam na tiku i rou ni kangainaa, n aron are a karaoia naba ake mai m'aaimi. N na kakaaea b'a tera ana iango te UEA i bukin aei.”
20Ao e taku te UEA n te tairiki arei, “B'araam N na kanakoko nako Moaba ma ana taan ua rongorongo B'araka, ma ko na ti karaoi baika I taekin.”
21Ma ngaia are, e uti B'araam n te ingabong are i mwiina, ao e a toka i aon ana aati, ao e a airi nako ma taian aobitia nako Moaba.
B'araam Ma Ana Aati Ni kaitiboia Ma Te Anera22Ao e tokara ana aati B'araam ni m'ananga nako Moaba, ao a iria ana toro ake uoman. Ao E un te UEA ngke e nako B'araam ma ngaia are, e a tei temanna Ana anera te UEA i m'aain te kawai b'a e na tuuka B'araam.
23Ao ngke e noora te anera ana aati B'araam b'a e tei ma ana kabaang, ao e a ti b'akee nako naba man te kawai nakon te tabo ae itiaki n te katawanang. Ao e orea ana aati B'araam b'a e na kaokia nakon te kawai.
24Ao e tei te anera i marenan taian nne ni kureebe aika uoua n te kawai ae irariki ae a rietaata atiibun rarikina ni kauaitera.
25Ao ngke e noora te anera te aati, ao e nakonako ni katena ma te atiibu, are n te iterana n te aro are e a kaaraki rangan B'araam n te atiibu. Ao e a manga orea riki te aati arei B'araam.
26Ao e a manga m'ananga riki te anera arei, ao e tei n te tabo ae rib'anono, n te aro are e a aki kona ni kakam'akuri iai te aati.
27Ma ngaia are, e a wene te aati. Ao e a rangi n un B'araam ao e anaa te kai n orea iai te aati.
28Ao ngke e riki arei, ao E tuanga te aati te UEA b'a e na taetae. Ao e a bubutiia B'araam te aati ao e taku, “Tera ae I a tia ni karaoia nako im ngkai ko a bon oreai tenua te tai?”
29Ao e taku B'araam “Ko kateinibabaai! Ngke bon iai au kabaang, ao I a bon tiringko naba ikai n te tai aei!”
30Ao e kaeka te man arei ao e taku, “Ma bon am b'ai ngai. Ko a tia n totoka ni m'ananga i aou n taai aika bati. I a bon tia ni kakaraoa te aro aei mai m'aaina?”
Ao e kaeka B'araam ao e taku, “Ko tuai.”
31Ao e rina ni kaureaki matan B'araam iroun te UEA b'a e na noora te anera ae e tei n te kawai, ae taua te kabaang, ao e bobaraaki B'araam.
32Ao e taku te anera, “Bon akea riaina b'a ko na karaoa te aro anne nakon am aati. Boni Ngai ae I tuuka kawaim, i bukina b'a I aki tangiria b'a ko na nako Moaba.
33Ngke tao arona b'a e aki noorai te aati ma n toki tenua te tai, ao N na bon tia ngkai n tiringko, ao I kamaiua te aati.
34Ao e kaeka B'araam ao e taku, “I a tia ni kaairua, I aki roko n te ataia ae ko kataia ni katokai. Ngkana ko taku b'a N na aki nako, ao n nang okira au auti n te tai naba aei.
35Ao e kaeka ana anera te UEA ni kaangai, “E raoiroi b'a ko na nako, ma ko na ti kona n taekin baika N na tuangko.” Ma ngaia are, e a airi nako B'araam ma ana aobitia B'araka.
Kaitiboon Te Uea Are B'araka Ma B'araam36Ao ngke e ongo B'araka b'a e a roko B'araam ao e m'ananga ni butim'aia n te kaawa are Ire, are mena n tian Moaba are mai meang.
37Ao e titiraki B'araka ao e taku, “E aera ngke ko bon aki roko n te moan tai? Ko taku b'a n na aki kabooko?”
38Ao e taku B'araam “Ao ae I a roko ngkai, ma N na bon ti taekin baike E tuangai te UEA b'a N na taekin.”
39Ao a kitana ikekei, ao a nakon te kaawa are Kiriata-utota,
40ike e a kareani iai kaao, ma tiibu B'araka, ao e anga tabeua te iriko ni man nakoni B'araam ma aobitia ake raona.
41Ao n te ingabong are i mwiina, ao B'araka, e kaira B'araam nakon te kaawa are Bamota-b'aara. Ao e kona n nooriia tabeman Iteraera B'araam man te tabo arei.
Who We AreWhat We EelieveWhat We Do
2025 by iamachristian.org,Inc All rights reserved.
