1Ao E taku te UEA nakoni Moote,
2“Bootia baronga n Iteraera ake tengaun ma uabaronga, ao tuangiia taani kairiri n tatabemaniia nako man taiani baronga b'a a na koroi araia i aon te oko ake a uouoti b'a kanikinaean m'aakaia,
3ao e na riai ni m'akoro aran Aaron i aon te oko are b'ain te baronga are Rewi, ao i mwiina rikoi taian oko ni kabane.
4Katikui taian oko akanne n te Um'antabunrianna i matan te Atiniberita are I kaoti iai nako im.
5Ao i mwiina, N na rinea te mm'aane temanna b'a au ibonga, ao e na manga bwebwerake taian tabera man okona. Ao ngkana e tia n riki anne, ao N na bon aki manga tabe ma tenaan ngurengure riki i bukimi.
6Ao e tuangiia aomata Moote te b'ai are E a tia ni baaireia te UEA, ao a anganna te oko man baronga ake tebwi ma uoua, n reitaki naba ma okon Aaron are anaaki man te baronga are Rewi.
7E anai Moote, ao e katikui n te Um'antabunrianna.
8Ao n te bong are i mwiina, ngke a roko Moote n rin n te Um'antabunrianna, ao e a bwebwerake te amon n okon Aaron, ao a riki ueena, ma uaana aika tawaa.
9Ao e kaotinakoi oko ake tebwi ma uoua man te Um'antabunrianna, ao e kaotii nako ia aomata. A kakaaei okoia taani kairiri man baronga i buakon ooko akekei, ao a anai.
10Ma E taku te UEA nakoni Moote, “Kaoka okon Aaron! Katikui i rarikin te Atiniberita b'a te b'ai n reirei nakon ane e na manga iangoa te kamangao. Ngkana e aki toki ngurengureia nako Iu, ao N na kamaunaia.”
11Ao e karaoa te b'ai are e tuangaki Moote.
12Ao a tang aomata nakon Moote ni kaangai, “E mate te aba n te waaki aei!
13Ti na boni mate naba ngkana ti kaaniia te Um'antabunrianna!”
Who We AreWhat We EelieveWhat We Do
2025 by iamachristian.org,Inc All rights reserved.
