1Kam na takaruaea neboan te UEA!
N na katituaraoa te UEA
Ma nanou ni koaua
n aia tai ni bootaki ana botannaomata.
2Ai kamimiira baika
E karaoi te UEA!
Ane kukurei nanona
ni baika E karaoi te Atua
A na boni kawakin iai nanoia.
3Ni b'aai ni kabane aika E karaoi te Atua
bon te mimitong ma te karineaki
ao m'akana e uota te kaetitaeka ae eti;
ae akea tokin raoiroina.
4Moan te kakannato te Atua
n ana m'akuri aika kamimii;
E ataataiaomata ao e nanoanga.
5E kareke kanaia akana karinea;
E aki toki n ururinga
ana boraraoi ma ngaia.
6E a tia ni kaota m'akana
nakon ana botannaomata,
ngke E anganiia abaia
Ianena b'a abaia.
7E kakaonimaki n arona nako ao E b'ab'aina te eti;
A onimakinaki ana taeka ni bane.
8A teimatoa n aki tootoki;
a karaoaki n te koaua ma te eti.
9E kainaomataia ana botannaomata,
ao E karaoa ana boraraoi ma ngaiia
ae teimatoa n aki toki.
Moan te tabu Ngaia ao E korakora!
10Ongeaba ao karinea te UEA!
Bon aio te moani m'aneka
nakon te wanawana ma te iango ae raoiroi.
E na teimatoa ni karineaki te Atua.
Who We AreWhat We EelieveWhat We Do
2025 by iamachristian.org,Inc All rights reserved.
