1E taku te UEA nako iu, “Ko na nako ni kabooa am kawaerake te kororo. Ao ko na karinna ni b'ainna n te tai ae e uarereke, ma ko na aki uatiia.”
2Ma ngaia are, I kabooa au kawaerake te kororo arei ao I karinna i aou.
3Ao E taku te UEA nako iu.
4“Buuta am kawaerake te kororo. Ao naako nakon Baara ao ko na karabaa am kawaerake te kororo ni b'angab'angan taiani b'a aika a buubura.”
5Ao anne te b'ai are I karaoia.
6Ao tabeua te tai i mwiina, ao e taku te UEA nako iu, “Ko na nako n oki n anaa am kawaerake te kororo.”
7Ao I oki n anaa au kawaerake te kororo man te tabo are I karabaa iai, ma e a mka, ao e a buakaka te kawaerake arei.
8E taku te UEA nako iu:
9Ieremia, N na kamanenaa B'aburon ni kamaunaa aia kainikatonga kaain Iuta ao kaain Ierutarem iai.
10A buakaka kaain Iuta ao a taningabono. Ma ngaia are, ngkai a aki kakauongo i Rou, ma a karaoi b'aai aika a bon tangiria, ao a bon taromauri naba anti tabem'aang. Ngkana e tia te b'ai ae N na karaoia nako ia aomata aikai, ao a na riki b'a te b'ai ae akea manenana, a na riki b'a kaanga te kawaerake te kororo aei.
11E rangi n nim ni matoa te kawaerake aei i aon koream, ao bon anne arou n taua taian abanuea aika Iteraera ma Iuta. I tangiria b'a a na riki b'a au aomata. I tangiria b'a a na riki b'a aomata aika a tanoata taekaia, n te aro b'a a aonga n neboai ma ni karineai botannaomata ake tabeua, ma a rawa n ongotaeka i Rou.
Te Tiaeki Ni WainE taku te UEA:12Ieremia, tuangiia kaain Iuta ni kaangai, “E anga ana taeka te UEA ae Atuaia Iteraera b'a kam na kanoai ami tiaeki ni wain n taian wain.”
A a taku, “Eng ti na kanoai ara tiaeki ni wain n taian wain! E aera ngkai ko na tuangiira te b'ai ae ti a kaman ataia?”
13Ao i mwiina, e taku nako ia:
Bon te UEA Ngai, ao te b'ai ae N nang karaoia bon te b'ai ae e na karikiia kaain Iuta ma Ierutarem b'a aomata aika a onrake n te wain. Aika a na rangi ni buakaka riki mai buakoia bon taian uea ake kanoan Tawita ao ibonga ma burabeti.
14Ao N na kaaioroia i bon irouia kaanga taian tiaeki. N na bon aki nanoangaa ae e uarereke ma ae a kara, a na bane n tiringaki. Bon aei au taeka Ngai ae te UEA.
A Na Uotaki Nako Kaain Iuta15Kaain Iuta,
ko na aki rangi ni kainikatonga ngkana ko ongora
nakon te b'ai ae e taekinna te UEA.
16Ko kaantaningaa te oota,
ma e na kanakoa te roo te UEA.
E a kaman mena nuun te tairiki
i aon taian tabuki.
Ma ngaia are, kam na oki nakon te Atua
ao kam na kaoti ami bure nakoina
i m'aain ae a bae waemi ma ni b'aka.
17Ngkana kam rangi ni kamoamoa ni kakauongo,
ao N na tanginiwenei n ti Ngai.
A na raanga nako rannimata mai matau
ngkana a uotaki nako ana aomata te UEA
b'a taenikai.
18E tuangai te UEA b'a N na tuangko
b'a a na riai n anga aia kaintokanuea
ami uea ma tinana
ao ni kanakoi aia baunuea.
19A a katobibiaki kaawan nako
Rereuan Maiaki;
ao bon akea temanna ae e kona n rin ke n otinako.
A na uotaki nako
kaain Iuta ni kabane.
20Ierutarem, ko tautaekaniia kaain Iuta
ma te kainikatonga ae moan te korakora.
Ma a ngaa ngkai?
21Kam onimakiniia ngkoa n te tai teuana b'a a na buokingkami
ma ngkai N na karaoia b'a a na tautaekaningkami.
Tera ami taeka i bukin anne?
Kam na maraki
kaanga te aine ae e ariri ni bung.
22Kam ataia b'a aera
ngkai a raeraeaki ami kunnikai
ao ma ni kabuakakaki?
B'a bon i bukin
ami bure aika a rangi ni buakaka.
23Kam aki konaa ni bitaki
ni karaoa ae e raoiroi?
A konaa aomata
ni bita kuniia,
ke e konaa ni kanakoi
matamatan kunin te reb'ari?
Ngkana e konaa, ao tao kam na konaa naba ni bitaki
ao n reireiningkami karaoan ae e raoiroi.
24N na kamaaenakoingkami,
kaanga aron angin te rereua
ngkana e uka nako kunin te uita
ni kakibarakea nako eta.
25N na bon aki bita nanou.
Bon aio au taeka Ngai ae te UEA.
Kam katinanikuai
ao kam taromauriia anti ni kewe.
26Kam mareaki ma Ngai,
ma kam aki kakaonimaki.
Kam riki naba b'a ainen mataawa
n aromi n taromauri anti aika a ribaaki
i aon taian tabuki ma tawaana.
27N na buuta kunnikaimi
ma ni kabebekaningkami ao ni kamamaaingkami
b'a a na nooringkami aomata nako.
Kam a reke n te kabuanib'ai!
Kam konaa ni karaoa ae e raoiroi
ni manga taromauriai riki?
Who We AreWhat We EelieveWhat We Do
2025 by iamachristian.org,Inc All rights reserved.
