Iobi 7 - Kiribati New Version Bible

E reitianako IobiBukin tera ngkai e nang matoatoa te maiu?

1Ti te bo maiun te aomata ma te m'akuri n tautia;

kaanga ai aron te kam'akuri ae matoatoa ae karaoia te aomata ni bon rab'atana.

2Kaanga te aro ae rangi ni kainanoa aan te nu ae m'aitoro;

kaanga te tia m'akuri ae tataninga anganakin boona.

3Boona akea uaan maiu n te nam'akaina koraki.

E karekea te rawawata nako iu te tairiki teuana ma teuana.

4Ngkana I wene ni matu i aon kieu, ao e rangi ni waeremwe te tai;

I nib'araa ni ua te ngaina n tataninga rokon te karangaina.

5E onrake rab'atau n te ino

ma te kanakana,

ao a buri kaboau.

6A bane au bong, ao akea te b'ai ae I kantaningaia,

a waekoa n nako kaanga birim'aakan ana rika n raranga te tia raranga te kunnikai.

7Te Atua O, uringnga b'a ti te ikeike maiu aio,

a bon tia n toki kukureiu.

8Ko noorai ngkai ma ko na aki manga noorai riki.

Ngkana ko kakaaeai, ao ana akea Ngai.

9Ai aron te nang ae nang tabe ni bua man taon nako.

E mate te aomata,

ao e aki manga oki

10n ai aron te nang ae tabe ni bua man taon nako.

A bane ni m'aninga taekana aomata ake a kinaa ngkoa.

11Eng, I bon aki kona ni kaina wiiu!

I bon riai n taetae

b'a e rangi ni maraki tamneiu.

12E aera ngkai Ko rangi n tararuaai? Ko taku b'a te ika ni kakaang ngai are i taari?

13I wene ni kataia ni motikarawau,

I kakaaea tokin marakiu.

14Ma Ngkoe-Ko kakamaakai n taiani mii,

Ko karokoi i Rou taiani kaotioti ma mii aika kakamaaku

15ni karokoa ae I a tangiria riki ni mate

nakon ae N na maiu i nanon te rawawata aei.

16E a b'ara nanou; I a kua n te maiu aei.

Katukai n ti ngai, akea nanoni maiu.

17E aera ngkai e rangi ni kakawaki te aomata i Roum?

Bukin tera ko nang tarai baike a karaoi?

18Ko tutuoia n te ingabong koraki,

ao Ko kakataia ni katoa miniti.

19Ko kona ni karekea au tai teutana

b'a N na ti oonga moa baawareu?

20Ko rootaki n au bure?

E aera ngkai Ko karikai b'a Am taakete?

I a riki b'a te b'ai ni karawawata ae korakora nako Im?

21Ko aki kona ni m'anuokin au bure?

Ko aki kona ni kab'arai au bure ake I a tia ni karaoi?

N na roko n ruanimateu n te tai ae waekoa,

ao N na bua mai kai ngkana Ko kakaaeai.