Taian Areru 54 - Kiribati New Version Bible

(Ana Areru Tawita are e koreia ngke a nakon Tauro I-Tibi ao a kaangai, E karaba Tawita iroura. Ana b'ai aia Mataniwi taan anene-ni b'aai ni katangitang aika iai karaia.)Onimakinan te Atua n Tain te Kaangaanga

1Te Atua, Ko na kamaiuai ni m'aakam;

Kainaomataai ni korakoram.

2Te Atua, Ko na ongo n au tataro,

Katanimaia taningam nakon au taeka!

3A roko n eekainako aomata aika kainikatonga,

Ao a kataia b'a a na tiringai aomata aika tiritiri,

aika aki mutiakina te Atua.

4Ma bon te tia buokai te Atua;

Bon te tia kamanoai te Uea.

5E na karawawataia taan ribaai, i bukin aia m'akuri aika buakaka.

Te Atua, Ko na kamateia i bukina ngkai Ko kakaonimaki.

6Te UEA, N na kukurei n anga te karea nakoim;

N na anganiko katituaraoam

i bukina b'a Ko raoiroi.

7B'a Ko a tia ni kamaiuai man rawaawatau ni kabane,

Ao I a tia n noriia aiau ngke a tae aia kai.