1Aio Ana tataro te burabeti are Ab'akuka.
2Te UEA, I a tia n ongo baika Ko a tia ni karaoi,
ao I onrake n te maaku.
Ngkai ti maiu ao baike
Ko a kaman kakaraoi.
Ko na nanoanga, e ngae ngkana iai unin nanom.
3E a roko te Atua mai Etom;
E roko te Atua ae E tabu mai taubukin B'aran
E kabutaa karawa tamaroana ao e kabutaa aonnaba neboana irian rokona te oota ae e raneanea b'a E na buokiira.
Raneanean mimitongina
e rabuna karawa,
ao e ongo te aba neboakim
n te aonnaba ni kabutaa.
4E roko ma raneaneana;
E itinako te oota mai baina,
te tabo ike e karabaa iai m'akana.
5E tuanga te aoraki b'a e na rimoana,
ao te mate b'a e na rimwina.
6Ngkana E toki ni m'akuri ao e m'aeiei aon te aba;
a ruru ni maaku botannaomata i matana.
Maunga ake ngkoa ana maenako
ao tabuki ake a teimatoa ana inako,
ake tabuki ake E nakonako i aona n taai ake ngkoa.
7I nooria aomatan Kutian b'a a maaku.
ao aomatan Miria b'a a ruru.
8Karaanga aika a karika unim te UEA?
Taari ae kakorakoraa Unim?
Ko buti i aon naang;
nangini buaka bon am kaa ni buaka,
ngkana ko a uota te tokanikai nakoia am aomata.
9Ko tauraoi ni kamanena am kainikatebe.
Ko tauraoi ni kanakoa am kanoanikatebe.
Ao raitiitim a katabwena te tano.
10A na ruru maunga ngkana a nooriko,
ao a na b'aro rikaaki raan mai karawa,
ao raan ake i aan te aba, a na rurunga,
ao a na tei naoia aika a rietaata.
11N itin birin am kanoanikatebe,
N ootan raneanean am kainiwai.
ao taai ma nam'akaina a bon tei ni nneia.
12Ko m'ananga ri aon te aba ma te bononnano
Ko toutouia botannaomata n unim
13Ko otinako ni kamaiuia am aomata,
Ko kamaiuia am uea aika ko rineia
Ko oroia rikaaki taan kairiiri aika a buakaka
ao ko kamaunaia taan rimwiia.
14Ko ewara te mataniwi n te taanga ni buaka ni kanoan am kainikatebe
Ngkana e roko ni kamaenakoira n ai aron rokon te ang ae korakora,
ni kamoamoa n ai aroia ake a karabaia ni karawawataia aika kainano.
15Ko kabukibuki taari ni waeia am aoti
ao a riki ni buroburo iai raan aika a korakora.
16I bane n ongo baikai ao I riki n ruru iai;
a ruru matanriau ni maaku.
E keerikaaki korakoran rab'atau
ma n rurubenebene waeu.
N na tataninga ma te rau,
n taningaa rokon te tai
are E na oroia iai te Atua koraki akea a buakanira.
17E ngae ngke akea uaan te biku
ao akea uaan te kureebe
e ngae ngke akea uaan te Oriwa,
ao akea naba uitan te tawaana
e ngae ngke a bane ni mate tiibu
ao akea naba kaao i nanon nneia.
18Ma e ngae n anne ao I bon kukurei naba
b'a E kakaawakinai te Atua.
19E anganai korakorau te UEA.
E karaoi waeu b'a ana aki marannako n ai aron waen te ria,
ao E kawakinai raoi i aon te maunga.
Who We AreWhat We EelieveWhat We Do
2025 by iamachristian.org,Inc All rights reserved.
