1Uabong i mwiina, a roko Tawita ma ana rorobuaka i Tikeraka. A tia kaain Amareka ni kurib'aia Iuta maiaki ao a buakana Tikeraka. A tia ni kabuoka te kaawa
2ao a anaiia aine ni kabane; akea temanna ae a tiringnga, ma a uotiia nako ngke a nako.
3Ao ngke a roko Tawita ma ana rorobuaka, ao a nooria b'a e a tia ni kabuokaki te kaawa ao a uotaki nako buuia, natiia rorobuaka, ao natiia aine.
4Ao a tang Tawita ma ana rorobuaka, ao e aki roko n te toki tangiia ni karokoa a rangi ni kua.
5A bon uotaki nako naba buun Tawita ake uoman ake Ainoam ao Abikaira.
6E a bon rangi n reke Tawita n te kangaanga irouia ana rorobuaka b'a a rangi ni b'ara nanoia i bukin buan natiia, ao a iaiangoa karean Tawita n atiibu; ma E anganna korakorana te Atua,
7E taku Tawita nakon Abiata are natin te ibonga are Aimereka, “Uotaamai te ebota, “ao e uotia Abiata nakoina.
8Ao e titirakina te UEA Tawita ni kaangai, “N na riai n rimwiia taan kurib'ai? Ao N na kauiaia?”
Ao E kaeka ni kaangai, “Naako rimwiia; ko na kauiaia ao ko na kamaiuia taenikai.”
9Ma ngaia are, a m'ananga nako Tawita ma ana rorobuaka ake 600, ao ngke a roko n te karaanga ae e uarereke i Berota, a tiku tabeman ikekei.
10Ao e reita nako kawaina Tawita ma rorobuaka ake 400; ao a kua ana rorobuaka ake 200 b'a a aki konaa n ri nanon te karaanga are e uarereke ma ngaia are, a tiku n iterana are teuana.
11Ao e reke temanna kaain Aikubita n te aba arei ao a kairiia nakon Tawita. A anganna teutana te am'arake ma te ran,
12ao tabeua taiani kam'au ni biiku ao uoua te amwi n kureebe ae e m'au. Ao ngke e a tia n am'arake, e a manga oki korakorana; e aki roko n te am'arake ke ni mooi i nanon tenua te bong ae e b'anin.
13Ao e titirakinna Tawita ni kaangai, “Antai am toka, ao kaan ia ngkoe?”
Ao e kaeka ni kaangai, “Bon kaain Aikubita ngai, te toro temanna mai Amareka. E kiitanai au toka i nanon tenua te bong aika a nako b'a I aoraki.
14Ti a tia ni kurib'aia abaia kaain Kerita i Iuta maiaki ao aban te kaainga are Kareb'a, ao ti kabuoka Tikeraka.”
15Ao e titirakinna Tawita ni kaangai. “Ko konaa ni kairai nakoia taan kurib'ai akanne?”
Ao e kaeka ni kaangai, “N na kairiko ngkana ko berita nako iu n aran Atuam b'a ko na aki tiringai ke n anga ngai nakon au toka.”
16Ao e kaira Tawita nakoia.
A uamaae nako taan kurib'ai i aon te tabo arei, a am'arake, a mooi, ao a kukurei i bukin aia b'ai aika a rangi n m'aiti ake b'aai ake a kurib'ai mairouia kain Biritia ao kanoan Iuta.
17Ao n te kiriangaina n te bong are i mwiina, ao E a bon buakaniia naba Tawita ni karokoa e bong. Bon akea ae reke biri nakona, ma ti 400 ataeinim'aane ake a toka i aon taiani kamero ma ni bo nako.
18E kamaiu b'aai ni kabane ake a anaaki irouia kaain Amareka, n reitaki ma buuna ake uoman;
19bon akea te b'ai ae e bua. A kaokiia ni kabane natiia rorobuaka ma natina aine ma rorobuaka ni kabane, ma b'aai ni kabane ake a kurib'aiaki irouia kaain Amareka.
20E kaoki naba nanai ni kao ma nanai n tiibu; ao ana rorobuaka a kairiia aia nanai ni man nako mataia ao a taku, “Aikai bon ana b'ai Tawita!”
21Ao i mwiina, e oki rikaaki Tawita nakoia ana rorobuaka ake 200 ake a tia ni mamaara n iria, ao n tiku i tinanikun karaangan Berota ae e uarereke. A roko b'a a na butim'aea Tawita ma rorobuaka ake a iria, ao e kawariia Tawita ao e kamauriia.
22Ma a taku tabeman rorobuaka aika a buakaka aika akea manenaia ake a ira Tawita, “A iriira rorobuaka aikai nakon te buaka, ma ngaia are, a na akea te b'ai ae a na anganaki man b'aai ake ti uoti mairouia kaain Amareka. A na ti anganaki buuia ma natiia ao a nako naba!”
23Ma e taku Tawita:
Raou, tai nanonrang n te b'ai ae e a tia n anganiira te UEA! E kaawakiniira te UEA ao E anganiira te tokanikai i aoia aomata ake ti buakaniia.
24Antai ae konaa n ongora moa iroum? A na anganaki tautia ake a tiku imwiira n tararua te maeka aia b'ai ae na ti te bo ma are irouia tautia ake a nako ni buaka.
25E karaoa te tua aei Tawita i bukin Iteraera, ao e kaawakinaki ni karokoa te bong aei.
26Ao ngke e oki Tawita nako Tikeraka, e kanakoa m'akoron b'ai ake a tia n anaaki nakoia raoraona, taan kairiiri i aon Iuta, ma te rongorongo ae e kaangai, “Aio te b'aintangira nakoimi man b'aai ake a tia n anaaki mairouia Ana kairiribai nako te UEA.”
27E kanakoa nakoia kaain Betaera, nakoia kaain Ram'a ni m'akoron Iuta are maiaki, ao nakoia kaain te kaawa are Iatira,
28Aroera, Tibemota, Etitemoa,
29ao Rakara; nakon kaainga aika Ierameera, nakon kaain Kenaite,
30ao nakoia kaain kaawa aika Orema, Boratian, Ataka,
31ao Eberon. E kanakoa nakon taabo ake e a tia ni m'am'ananga ngkoa inanoia iai ma ana rorobuaka akekei.
Who We AreWhat We EelieveWhat We Do
2025 by iamachristian.org,Inc All rights reserved.
