1N te tai aei, Ao e roko te uea are Naati ma ana taanga ni buaka ni katobibia te kaawa are Iabeti i Kireata. Ao a tuanga Naati ni kaangai, “Ngkana ko tiainaa te boraraoi n raoi ma ngaira, ao ko na riki b'a te tia tautaeka, ao ti na kab'aka te taekiti nako im.”
2Ao e taku Naati, “Eng, n na tiainaa te boraraoi! Ma n na ti karaoia ngkana I tia n auti kanoani mataia are te atai m'anen Iteraera ni kabane ake a maeka i Iabeti.”
3Ao a taku taani kairiiri, “Anganiira itiua te bong n te aro are ti na kona ni kanakoia taani uarongorongo nako aon Iteraera ni kabane i bukin buokaia. Ngkana akea ae roko ni buokiira, ao ti na taenikai iroumi.”
4Ao a nako Kibea tabeman taani uarongorongo, are a na kaawa Tauro. A taekin b'aai ni kabane ake a riki i Kibea, ao a bane n tang kaain Kibea ni kabane.
5Ao e a tib'a oki Tauro man te katawanang, ma n nakonako n riri mwiin te kaom'aane.
Ao e taku Tauro, “E aera ngkai a bane n tang aomata?”
Ao a tuangnga b'aai ni kabane ake a taekin m'anen Iabeti nako ina.
6Ao E karina n niniia Tauro Tamnein te Atua ao E karika te un ae korakora i nanona.
7Ao e tiringiia uoman ana kaom'aane, ni korobitiia, ao e anga m'akorokoroia nakoia taani uarongorongo. Ao e tuangiia b'a a na kaoti taian m'akoro akekei Iteraera ni kabane ao e kaangai, “A boota te taanga ni buaka Tauro ma Tamuera. Banemai raoniia. Ngkana kam aki, ao anne te b'ai ae na riki nakoia ami kaom'aane!”
Ao E karikiia Iteraera b'a a na ruru ni maaku. Ma ngaia are, a bane ni bootaki m'anen Iteraera
8i Beteka. Ao e baaireia Tauro ao e wareki m'aitiia. Ao bootaia bon 300,000 mairouia Iteraera ao 30,000 mairouia kaain Iuta.
9Ao e kanakoa te rongorongo Tauro ma ana aobitia ni kaokia nako Iabeti ma te berita ae kaangai: “Ti na kamaiungkami ni b'akantaain te ingabong.” Ao a okirikaaki taani uarongorongo nakoia aomata ake i Iabeti ma n tuangiia b'a a nang kamaiuaki.
Ao a bane n unga nanoia aomata!
10Ma ngaia are, a taku nakoia kaain Ammon, “Ti a taenikai iroumi nakon te ingabong, ao kam a kona ngkanne ni karaoi b'aai ni kabane akana kam tangiri.”
11Ao n te bong are i mwiina, e bwenaua te taanga ni buaka Tauro nakon tenua te m'akoro ao ni buakaniia i m'aain otin taai. A waakina tiringakiia kaain Ammon, ao a waakinna ni karokoa mwiin te tawanou. A iangoa birinakoia tabeman kaain Ammon, ma a rangi ni uamaaenako n tatabemaniia nako.
12Ao a nakon Tamuera tautian Iteraera ao a taku, “A nga te koraki ni m'aane ake a taku b'a a aki tangira Tauro b'a e na uea? Kairiia mai nako ira, b'a ti na tiringiia!”
13Ao e taku Tauro nako ia, “Tiaki ngaia anne! E kamaiuia Iteraera te UEA n te bong aei, ma ngaia are, akea ae na tiringaki.”
Kariaiakan Tauro B'a E Na Uea14Ao e taku Tamuera, “Nako mai! Ti a nako Kirekara ni karaoa te boraraoi b'a e na reitanako ueana Tauro n riki b'a ara uea.”
15Ao a bane n nako aomata nakon te tabo n taromauri i Kirekara, ike a kabooi iai nanoia b'a e na riki Tauro b'a aia uea. Ao Tauro ma aomata a anga taiani man b'a aia karea ni bubutiia te UEA Ana kakab'aia, ao a karaoa te bootakin ni kukurei ae korakora.
Who We AreWhat We EelieveWhat We Do
2025 by iamachristian.org,Inc All rights reserved.
