1Bon te nanobaba ae te iangoiko
bon tii ngkoe ao ni
kakaokoroko ma aomata
ake iai te iango raoi irouia.
2Bon akea nanoia aika a nanobaba ni kan reirei
ma a rangi ni kan
uotaarake aia iango.
3E uotiko nakon te mamaa ao te b'ainrang
karaoan te kaairua.
4Bon te karaanga n ran
taeka ni wanawana are e raanga
man te koburake n ran ae e nano.
5Bon te kaairua ngkana kam nanona te tia bure
ao n totokoa te motikitaeka ae e eti
nakon te aomata ae akea ana bure.
6E na kairiko nakon te kangaanga
te taetae n nanobaba.
7Taekinan b'aai aika a nanobaba
boni kaanga kawenean te b'ai ni kam'ane
ni bon manga uruana aromi.
8Bon akea riki ae e kangkang
ae ai aron katoongan te winanti!
E mauna nako i nanon wiim.
9Bon akea okoron te taningaroti
ma karaoan te kakiriwe.
10Bon te taua ae e korakora te UEA
ike a konaa ni biri nako iai ana aomata
ni kamanoia
11a taku aomata aika a kaub'ai b'a
te m'ane bon te oo ae otangaia.
12E kairiko te kainikatonga nakon te kamaunaaki;
e kairiko te nanorinano nakon te neboaki.
13Bon te waaki n nanobaba ni kamamaa
te anga te kaeka
i m'aain ae e ongora moa.
14E rangi ni buobuoki te kaunga nano
ngkana ti aoraki,
ma bon akea te buobuoki
ngkana ti b'ara n nano.
15A bane akana a iangoraoi
n tangiria n reirei.
16E na kairiko te b'aintangira
nakon nooran temanna.
17Kam na bae n taku b'a kam a tokanikai
n te kabowi ni kaburebure,
i m'aain taetaen kaaitaraam.
18Te kaiwa bon ngaia teuana kawain
katokan taiani kangaanga.
19Karekean te iraorao ma ae kam a tia ni kaairua nakoina
e boni matoatoa riki nakon
uruakan nonon te kaawa ae e buubura.
20Katamaroai ami taeka
ao ane kam na kukurei iai.
21E konaa ni karekea te mate ke te maiu taian taeka!
Kaub'arantiko, ao ane kam na manga kang
am taeka ni kabane ake kam atong.
22Kaub'ain te m'aane ae e rangi ni kakaawaki
boni buuna—
bon te b'aintituaraoi mairoun te UEA.
23E na riai ni buubuti te kainano i bukin buokana,
ma e konaa te kaub'ai
n anga te kaeka ae e tangibuaka.
24Akea aia buobuoki raoraom tabeman,
ma e rena riki ma ngkoe te rao ni koaua
nakoia aika bon oin am koraki.
Who We AreWhat We EelieveWhat We Do
2025 by iamachristian.org,Inc All rights reserved.
