1.I-Tetaronike 5 - Kiribati New Version Bible

Tauraoi n Rokon te Uea

1Kam aki kainanoa koreakin taekan taai ma boong aika a na riki iai baikai.

2Mataio 24.43; Ruka 12.39; 2 Bet 3.10B'a kam bon ata ana bong te Uea, b'a e na roko n ai aron rokon te tia iraa n te bong.

3Ngkana a kangai aomata, “E a rau te aba ao akea te kakiriwe,” ao ane e na roko ni karina te kabuanib'ai nako ia, kanga ai aron rokon te ariri ni maraki iroun te aine ae nangi bung; ao a na bon aki kona ni kamaiuia maiai.

4Ma ngkami, taari, kam aki mena i nanon te roo; ma ngaia ae e na aki kakubanakoingkami te bong arei n ai aron te tia ira;

5b'a natin te oota ngkami ni kabaneingkami, ao natin naba te ngaina. Tiaki ana b'ai te bong ma te roo ngaira.

6Ma ngaia ae ti na tai nimatutuu n ai aroia tabem'aang; ma ti na kauti matara, ao ti na kamarurungira.

7B'a a matu aomata n te bong, ao a manging n te bong naba.

8I-Eb 6.13-17Ma ngaira, aika ana b'ai te ngaina, ti na tauu baangira; ti na karina te tanga are te onimaki ma te tangira, ao te barengaru are kaantaningan te maiu.

9B'a tiaki ana kaantaninga te Atua b'a E na kareke kaira, ma ana kaantaninga b'a ti na karekea te maiu iroun ara Uea are Iesu Kristo,

10are mate i bukira, b'a ti na uaia ni maiu ma Ngaia ngkana tao ti maiu ke ti mate.

11Ma ngaia ae kam na i karau nanomi, ao kam na i kateimatoaingkami, n ai aron ae kam kakaraoia.

Kabanea n Taeka ni Kamauri ao ni Kakorakora

12Ma ti butingkami, taari, b'a kam na ataiia akana kakorakoraia ni m'am'akuri i buakomi, akana kairingkami ma n reireingkami n aromi ni maiu n reitaki ma te Uea.

13Kam na anganiia karineaia ae bati ma tangiraia i bukin aia m'akuri. Kam na b'aina te raoi i buakomi.

14Ao ti kaungaingkami, taari, b'a kam na reireiia akana rawa ni m'akuri, kam na kaungai nanoia akana a kai toki nanoia, kam na buokiia akana mamara, ao kam na taotaon nanomi nakoia aomata ni kabaneia.

15Kam na taraia b'a akea temanna ae na karaoa ae buakaka nakon temanna i bukina ngke te aomata arei e a tia ni karaoa ae buakaka nako ina; ma kam na ukoukora ae raoiroi i bukimi n taai nako, ao i bukiia naba aomata ni kabaneia.

16Kam na kim'areirei n taai nako,

17ao tataro n taai nako,

18kam na katituaraoi ni b'aai ni kabane. B'a bon aei nanon te Atua i bukimi ngkai kam reitaki ma Kristo Iesu.

19Kam na tai tuka te Tamnei are Raoiroi;

20kam na tai kakeai bonganan taetae ni burabeti;

21ma kam na katai b'aai ni kabane b'a ua ra; kam na taua ae raoiroi,

22ao kam na rawa nakoni karaoan te buakaka ni kabane.

23Ao Atuan te raoiroi E na karaoingkami b'a kam na riki n ai arona n aromi nako; ao a na kawakinaki tamneimi, ma maiumi, ma rab'atami, b'a a na aki konaki ni kabuakakaki i matan ara Uea are Iesu Kristo.

24E kakaonimaki Teuare weteingkami, ao E na boni karaoia.

25Taari, kam na tataro naba i bukira.

26Kam na kamauriia taari ni kabaneia n ai aroia taari n inga.

27I tuangngkami iroun te Uea b'a e na warekaki te reta aei nakoia taari ni kabaneia.

28E na mena i roumi ana akoi ara Uea are Iesu Kristo.

Blog
About Us
Message
Site Map

Who We AreWhat We EelieveWhat We Do

Terms of UsePrivacy Notice

2025 by iamachristian.org,Inc All rights reserved.

Home
Gospel
Question
Blog
Help