1Ai uabwi ma nimaua ana ririki ni maiu Iotam ngke e a riki b'a te uea i aon Iuta, ao e tautaeka mai Ierutarem i nanon tebwi ma onoua te ririki. Aran tinana bon Nei Ierutia bon natin Tatoka te aine.
2E ongotaeka Iotam iroun te UEA ao e karaoa ae e raoiroi. E katotoonga tamana are Utia, ma e aki roko n te kabuoka te b'ai ni kaboiarara n te Tembora n aron are e a tia ni karaoia tamana. Ma a bon teimatoa naba ni bure nakon te UEA kaain Iuta.
3E karaoa te Mataroa are Ieta Iotam n te Tembora ao e karaoi m'akuri aika a bati n onob'aia te oo are i rarikin te Maunga are Obera.
4E karaoi taian kaawa ake i nanon Maungan nako Iuta ao e karaoi taian nono ao taian taua n totoko n taiani buakonikai.
5I nanon ana tai n tautaeka ao e buakana man kataenikaiia kaain Ammon. Ao ni katoa ririki i bukin tenua riki te ririki, e imanonoia b'a a na kab'aka 3,400 te kirokuraem te tirewa, 1,000 te tan te uita, ao 1,000 te tan te b'are.
6E teimatoa ni kakaonimaki Iotam iroun te UEA are Atuana ao e tabe n rikirake b'a te uea ae korakora.
7Ao b'aai ni kabane ake e karaoi Iotam i nanon ana tai ni uea, n reitaki ma taiani buaka ake e buaka iai, a koreaki n te boki are Rongorongoia Uean Iteraera ao Iuta.
8I mwiina ngke e a tia n tautaekana Iuta i nanon tebwi ma onoua te ririki, ao e mate ngke ai abwi ma teuana ana ririki ni maiu.
9E taunaki i Ierutarem, ao e a manga uea natina te m'aane are Aati i mwiina.
Who We AreWhat We EelieveWhat We Do
2025 by iamachristian.org,Inc All rights reserved.
