I-Biribi 1 - Kiribati New Version Bible

Taeka ni Kamauri

1 ao kam na itiaki ma n aki kabuakakaki n te bong are E na roko iai Iesu,

11ngkai a kaonaki maiumi ni baika reitaki ma ana kaantaninga te Atua, aika baika mairoun Iesu Kristo, are E neboaki te Atua iai ma ni karaoiroaki.

Maiu bon i Bukini Kristo

12Taari, I tangiringkami b'a kam na atai b'aai aika riki i rou, b'a a riki b'a buokani wakin te euangkerio.

13 ake a kani kauntaeka a tataekina Kristo ma te nano ae aki itiaki; ao a iangoia b'a a na kariki riki kangaanga nako iu ngkai I kabaeaki.

18Ao tera ngkanne? Te b'ai ae kakawaki b'a E taekinaki Kristo n aaro nako, tao man te kaantaninga ae aki raoiroi ke ae e raoiroi; ao I kim'areirei iai, eng, N na boni kim'areirei.

19B'a I ataia b'a man ami tataro ao n ana buobuoki Tamnein Iesu Kristo, ao e na riki aei nako iu ae N na boni kainaomataaki,

20n ai aron nanou ae korakora ma au kaantaninga b'a N na aki mamaa n te b'ai teuana, ma N na rangi n ninikoria n taetae n ai aron aroarou n taai nako ao ngkai naba, ni kaota neboakini Kristo n rab'atau, tao ni maiu ke ni mateu.

21B'a maiu bon i bukini Kristo, ao mateu boni kakab'aiau.

22Ma ngkana e na anganai au tai ni karaoi m'akuri riki aika manena maiu n te rab'ata, ao I aki ata ngkanne ae N na rineia.

23Ma e katikaki nanou ni baika uoua, b'a I kan nako ni mena irouni Kristo; b'a moan te raoiroi aei.

24Ma e manena riki iroumi tiku ni maiu.

25I aki nanokokoraki n aei, ao I ataia b'a N na bon tiku ni maiu, ao N na reitaki ma ngkami ni kabane b'a a aonga n rikirake ami onimaki ma ami kim'areirei iai.

26Ao b'a e aonga ni kabatiaki kakatongami i rou, ngkai kam katiteuanaki ma Kristo Iesu ni maiumi, ni manga rokou iroumi.

27Kam na ti kakaraoa ae boraoi ma nanon ana euangkerio Kristo; b'a ngkana I roko n noringkami, ke ngkana tao I mena n te tabo teuana, ao I kan ongo rongorongomi, b'a kam teimatoa n aromi ni maiu b'a kanga te tamnei ae ti teuana, ni kakorakoraingkami b'a kanga te aomata ae ti temanna, i bukin te onimaki are reke man te euangkerio;

28ao kam na tai maku n te b'ai teuana irouia ake a ekingkami nako. Aromi aei bon te b'ai ni kakoaua nakoia b'a a na boni konaaki, ao nakoimi b'a kam na bon tokanikai, b'a te baei boni mairoun te Atua.

29B'a kam anganaki i bukini Kristo tiaki ti te onimakinna, ma te b'ainikirinaki naba i bukina.

30M'akuri 16.19-40Kam a rin ngkai n te buaka ae ti te bo ma are kam a tia n norai iai ngkoa, ao n aron ae kam ongo iai ngkai b'a ae I mena naba i nanona.