1Ao e taku Iobi,
2“Kakauongo nakon te b'ai ae N na taekinna;
bon ti ngaia aei te karaunano ae I kaantaningaia mai roumi.
3Anganai au tai n taetae teutana,
ao kam kona ni b'ainingareai ngkana e bane au taetae.
4I aki kauntaeka ma aomata.
Bon iai bukin aki raun nanou.
5Ani bon taraai.
Ko na bon mimi ma ni kubanako.
6I ruru ma ni maaku
ngkana I iangoi baike a tia n riki nako Iu.
7E aera te Atua ngkai E kamaiuia aomata aika buakaka,
E aera ngkai E boni karokoia n aia bong ni kara, ma ni kabatiai aia b'ai?
8A m'aiti natiia ma tibuia,
ao a boni maiu i rarikiia ngke a tabe n rikirake.
9E aki karokoa te kangaanga i aon aia auti;
akea te kangaanga i nanon aia tai ni maiu.
10A bung aia nanai ni man,
ao akea te kabuanib'ai nako ia natiia.
11A biribiri aia ataei,
ao a takakaro n ai aroia tiibu ataei,
12ao a m'am'aie n tangin te aabi ma te raea.
13A maiu i nanon te kukurei,
ao a mate ma te rau n akea te maraki.
14A tuanga te Atua aomata aika buakaka b'a e na katikuia i bon i rouia;
a bon rawa ni kan ataa nanon te Atua i bukin maiuia.
15A taku n aia iango b'a akea uaan te beku i bukin te Atua,
ao te tataro nako Ina.
16A taku b'a e totokanikai aia waaki man oin korakoraia,
ma I bon aki butim'aei aia iango.
17E koaua b'a e na aki mamate ana taura te aomata ae buakaka?
E koaua b'a bon akea temanna mai buakoia ae na aki bo ma te kangaanga?
E koaua b'a e na aki orea te aomata ae buakaka te Atua ni kamarakin nanona,
18ma n tewenakoia kaanga te maange ae ukaki nako n te ang,
ke te baareka ae uotaki nako n te angibuaka?
19Kam taku b'a E katuaaia ataei i bukin aia bure tamaia.
Tiaki ngaia anne! Ke E bon katuaaia taani bure te Atua n oin aia bure;
ke E bon kaotia b'a E karaoa aei i bukin aia bure.
20Ana riai ni bon oreaki taani bure i bukin aia bure;
a bon riai n namakina unin te Atua ae m'aaka.
21E koaua b'a ti kona n tabeakiniia natira
ngkana a toki maiura.
22E koaua b'a e kona te aomata n reireina te Atua
are boni Ngaia ae motikitaeka n taabo aika rietaata?
23Aomata tabem'aang a marurung rab'ataia ni karokoa te tai are a mate iai,
24a mate ma te kukurei, a mena i nanon te rau,
ao akea te b'ai ae a na maaku iai.
25Ao tabem'aang bon akea teutana kukureia,
a maiu ma ni mate i nanon te rawawata.
26Ma ti te arona mateia aomata nako,
a na bane n onrake n taian ino.
27I atai ami iango aika buakaka akana i nanomi.
28B'a kam kaangai, “E nga ngkai ana auti te aomata ae kakannato ngkoa,
are te aomata are te tia karaoa te buakaka?”
29Kam bon tuai man maroroo ma aomata aika a m'am'ananga?
Kam aki atai aia rongorongo ake a uoti rikaaki?
30B'a n te bong are E un ma ni katuaaia iai aomata te Atua,
ao bon aomata aika buakaka aika a kamaiuaki n taai nako.
31Bon akea temanna ae na kataia ni kabuakaka te aomata,
ke ni kabooa mwiin te m'akuri ae buakaka ae a tia ni karaoia nako ina.
32Aomata tabem'aang a marurung rab'ataia ni karokoa te tai are a mate iai,
b'a e nang taunaki,
33ao nga ma nga aomata ake a ira te katiki n taunimate anne.
A tararua ruanimatena, ao ai uana naba ma wakaan taian aroka, a aki roko i aon rab'ataia.
34Ao ngkoe, ko kataia ni karaua nanou n taeka aika akea nanoia.
Bon taiani kewe kaeka ni kabane ake ko anga!
Who We AreWhat We EelieveWhat We Do
2025 by iamachristian.org,Inc All rights reserved.
