1Kam b'ab'aina te eti n ami babaire,
ngkami taan tautaeka
Kam motiki taekaia aomata n ae riai, ke kam aki?
2Kam aki! kam ti iaiangoi baika bubuaka
aika kam kona ni karaoi, aika m'akuri ni kakeru i aon te aba.
3A kamani bure maiuia akana buakaka;
a kaman rabakau ni kewe mai nanoni biroton tinaia.
4E boitin te aba irouia,
Ao a bonoti taningaia kanga ai aron te naeta ae a bono taningana,
5Ae aki kona n ongo b'anaan te tia karau-nanoia naeta,
Ke ana anene temanna ae moan te rabakau ni karau nanoia naeta.
6Te Atua, Ko na uru wiia raian aika unun aikai.
7A bia mauna nako n ai aron te ran ae raanga nako;
A bia kamanatuaki n ai aroia uteute aika mena i nanon te kawai.
8A bia riki ni b'atakataka ni mate rab'ataia n ai aron te ntabaniban;
Ke n ai aron te merimeri are bungiaki ni mate ao e aki nora naba teutana ootan taai.
9A tiringaki kanga ai aroia uteute, n akea ataakina irouia mai m'aina:
E na ukia nako te Atua ni korakoran unna ngkai
a boni maiu.
10Ane a na kakatonga aomata akana raoiroi
n noriia akana buakaka
ngkana a reke kaiia.
Ane a na teboki waeia
n raraaia akana buakaka.
11Ane a na kaangai iai aomata, “Iai booni mwin aia m'akuri aomata akana raoiroi ae e na reke i rouia;
bon iai te Atua ae te tia motika taekan aon te aba.”
Who We AreWhat We EelieveWhat We Do
2025 by iamachristian.org,Inc All rights reserved.
