1Ti bane ni bungiaki ni mamaara.
A kimototo, ao a kangaanga maiura ngaira aikai ni kabane.
2Ti rikirake n ai aron te uee, ao ti a manga rai ma ni mauna nako.
Ti waekoa ni mauna n ai aron te nu ma n aki manga kaoti.
3Te Atua, Ko kona ni kabanea am tai n tarataraira,
ni kateira n te kabowi, ma ni motiki taekara?
4Bon akea te raoiroi ae kona n otinako
man te b'ai ae kam'ara n aron te aomata.
5A kaman baaireaki ara bong ni maiu,
ao e mena ara tai i Rouna,
ao E a tia ni baairea are ti na aki kona n ri aona.
6Tannako mairoura, katikuira n ti ngaira,
b'a e aonga n reke teutana kukureira,
ngkai ti mena i nanon kangaanga aikai.
Ngkana E Kab'akaaki te Aroka.7Boni iai te kantaninga n te aroka ngkana e koreaki b'a e na manga bwebwerake,
ao b'a a na manga tiinako taberana aika boou ni waakina te maiu.
8E ngae ngke a rangi ni maan wakaana i aantano,
ao e a mate botona i nanon te tano.
9Ma a na teberake taian tabera ngkana a bo ma te ran.
E na katinakoi m'aangana n ai aron te aroka ae a tib'a bwebwerake.
10Ma ana bane ni mate aomata, ao bon anne tokiia;
a mate, ao a manga ngaa ngkanne?
11Ti mate, ao ti aki manga teirake n aron taian karaanga
ngkana a toki raangaia,
12ao taian nei ngkana a m'auteretere.
Ti aki manga maiu ni karokoa e toki karawa,
ao ti aki manga kaurei matara mani matuura.
13Tera ngke Ko karabaai i abaia maate,
are Ko na karabaai iai ni karokoa tokin unim,
ma ni manga karekea te bong teuana are Ko na manga uringai iai ikekei.
14E kona ni manga maiu te aomata ngkana e a mate?
N na tataningai boong aika raoiroi, boong ake a na toki iai kangaanga aikai.
15Ao ane Ko na wewete ao N na tou,
ao Ko na kukurei i rou, ngai ae kanoan Ana karikib'ai baim.
16Ao ane ko na taratarai nakonakou,
ao Ko na aki manga warewareki m'aitin au bure.
17A na bane ni kainaki tibanakou ni kabane,
ao ni m'aninga au kaairua ni kabane.
18Ma a na b'aka maunga ma ni mauna nako,
ao a na uruaki taiani b'a.
19E kamm'anakoa te atiibu te ran,
ao e uotaki nako te tano n te raanga,
ai arom naba anne te Atua ngkana Ko urua au kaantaninga, akea bonganau ni maiu.
20Ko kataea ana kai temanna, ao ko kanakoa n aki manga oki;
ao ko bita matana nakon te mate.
21E ngae ngkana e a manga reke te karineaki i rouia natiia m'aane,
ao bon akea naba te b'ai ae ataia ke ni kakeaki karineaia.
22Ti bon ti namakina marakin oin rab'atara,
ao ti tang bon i bukira.
Who We AreWhat We EelieveWhat We Do
2025 by iamachristian.org,Inc All rights reserved.
