1Te kaotioti nakon Taniera i rarikin te karaanga are Taikiriti i nanon ana katenua n ririki ni uea Tairati i aon Bootia, ao e roko te rongorongo iroun Taniera, are arana naba Beretetiata. E koaua te rongorongo ma boni moan te kangaanga ataakin nanona. Ao e kab'araaki nakoina n te kaotioti.
2Ao n te tai aei I tabe n tang i nanon tenua te wiiki.
3I aki am'arake ni kang am'arake aika a raraoi ke taian iriko ni man, ke ni mooi n te wain, ke ni kaara iran atu ni karokoa banen tenua te wiiki.
4Ao ni kauabwi ma auan bongin moan nam'akainan te ririki, ao I tabe n teitei i mataniwiin te karaanga ae e korakora are Taikiriti.
5Ao I tararake ao I noora te aomata ae e kunnikaia n te riinen, ao roona ae te koora ae e tamaroa.
6E oota rab'atana n ai aron te tirewa. Ao e takiakia moana n ai aron te iti, ao a ura matana n ai aron te ai. Baina ma waena kaanga ai aron taraan te buraonti ae e a tia ni kaitiakaki, ao b'anaana kaanga ai aron rurungaan te koraki n aomata ae e korakora.
7Ao bon tii ngai n noora te kaotioti arei. Akea te b'ai ae a nooria aomata ake raou n te tai arei, ma a maaku ao a birinako ni karabaia.
8Ao I a tiku n tii ngai ikekei, ni matakuakina te kaotioti arei. Ao bon akea nikiran korakoran rab'atau, ao e bitaki moau n te aro are akea ae e kinaai.
9Ao ngke I ongo b'anaana, ao I b'aka ni bobaraaki n tong i aontano.
10Ao e tauai te bai n eutai rake teutana nako aon bubuan waeu ma baiu; ao I bon ruru naba.
11Ao e taku te anera nako iu, “Taniera, e tangiriko te Atua. Teirake ao ongora raoi nakon te b'ai ae N na taekinna. I kanakoaki nakoim.” Ao ngke e a tia n taekina arei ao I teirake, ao I bon ruru naba.
12Ao e taku nako iu, “Taniera, ko na aki maaku. E ongo am tataro te Atua ni moa man te tai are ko a tib'a iangoa iai reken am atatai. Ao I a roko ngkai i bukin kaekaan am tataro.
13E kakaitaraai aneran te tautaeka ni Bootia i nanon uabwi ma teuana te bong. Ni karokoa e a roko Mikaere are mataniwiia anera ni buokai, i bukina ngke I kitanaki, ao I a tiku n ti ngai i Bootia.
14I roko ngkai b'a N na tuangko te b'ai ae e na riki nakoia am aomata n taai aika a na roko. Te kaotioti aei bon i bukin taai akana a na roko.”
15Ao ngke e taekini baikai ao I karekea taraan aontano ma n aki kakarongoa.
16Ao e riinga riau te anera are kaanga ai aron taraan te aomata. Ao I taku nakoina, “Nao, E anaa korakorau te kaotioti aei n te aro are I aki kona ni katoka rurun rab'atau.
17Kaanga ai aron te toro ngai ae e tei i matan ana toka. N nang kanga n taetae nakoim? Bon akea nikiran korakorau ke ikeikeu i nanou.”
18Ao e a manga riingai riki ao I a namakina reken korakorau.
19E taku, “E tangiriko te Atua, ma ngaia ae ko na aki raraoma ke ni maaku.”
Ao ngke e a tia n taekin baikai, ao I a manga namakina riki rinin korakorau ao I taku, “Nao, tuangai b'aai ni kabane ake ko a tia n taekin, b'a ko a tia ni kakorakoraai.”
20Ao e taku, “Ko ataia b'a tera bukin rokou iroum? E kaotaki nakoim te b'ai are e koreaki n te boki are te Koaua. Ao ngkai N nang okirikaaki ni buakana te anera are e teiakina te tautaeka ni Bootia.
21Ao i mwiin anne, e na kaoti aneran Kuriiti. Bon akea ae e na buokai b'a bon ti Kabiriera, are te anera are e teiakina Iteraera.
Who We AreWhat We EelieveWhat We Do
2025 by iamachristian.org,Inc All rights reserved.
