1Kamaiua mairouia kairiribai aika iowawa
aika a tiritiri, te UEA!
2A iangoi waaki aika a buakaka
ao a aki toki ni kairiki taiani kiriwe.
3A tena m'aaka wiia
kaanga katiitiin te naeta
ae e kamaamate.
4Kaawakinaki, te UEA mairouia kairiribai aika iowawa
aika a tabare,
aika a tangiria b'a a na uruanai.
5A tia aomata aika a kainikatonga aikai ni karabai
taian b'ainikam'ane ao taiani karaun
b'a a na kam'aneai ngkana I nakonako.
6Boni Ngkoe te UEA Atuau!
Taiaoka ongora nakon au tataro.
7Bon iai m'aakam ni kamaiuai,
ko kamoai raoi
n taiani buaka ni kabane.
8Ko na aki katotokanikaia te aomata ae e buakaka
ni b'aai nako aika e tangiri,
b'a e kaawa n aki tootoki
aia m'akuri aika a buakaka.
9A tia ni katobibiai,
ma karikiia b'a konan
aia kewe aika a tiritiri.
10Kab'aka te kooro ae e ura i aoia
ao karenakoia nako nanon te m'arua
ae a aki konaa ni manga tam'arakeia.
11Kakionakoia taani kewe aikai!
Ke a kam'aneaki ni kab'akaaki n taiani kaangaanga.
12Ara UEA, I ataiko b'a Ko
ko tei i bukiia aika akea mwengaia
ao ko taraa te motiraoi
nakoia aika a maiu ni kainano.
13A na neboiko am aomata
ao ana maeka ma ngkoe
i bukina b'a a karaoa ae e raoiroi.
Who We AreWhat We EelieveWhat We Do
2025 by iamachristian.org,Inc All rights reserved.
