1Ao e taku Iobi,
2Tao ko taku b'a ko rangi n i buobuoki nako Iu,
ngai ae te aomata ae kainano ma ni mamaara?
3Tao ko taku b'a ko anga taeka n i buobuoki
ma n anga rabakaum nakon te nanobaba?
4Antai ae anganiko taeka aikai?
Antai ae reireiniko n taetae n aron aei?
5A ruru tamneia maate
ake n taian ran ake i aan te aba.
6Akea rabunan abaia maate i Roun te Atua,
ao akea rabana.
7E arora karawa meang i aon te akea,
ao E katinetinea te aonnaba n te akea.
8E kabaei raan i nanon Ana nang aika matenten,
ao E kaawakinna b'a e na aki raeuaaki n te rawawata.
9E karaba nam'akaina, ao E rabunna n Ana nang.
10E korea te mronron i aon taari
b'a te tia i marenan te oota ma te roo.
11A ruru ni maaku
bouani karawa ngkana E takuia.
12E kataenikaia taari ni korakorana,
ao E tiringa Raaba ni wanawanana.
13E itiaki karawa n angin ikeikena,
ao E a tia n tiringa te naeta are e birinako.
14Ma bon ti bururun m'aakana,
ao ti neaan naba rongorongona aika ti ongo.
B'a antai ae kona n ataa raoi korakoran m'aakana?
Who We AreWhat We EelieveWhat We Do
2025 by iamachristian.org,Inc All rights reserved.
