Taian Areru 47 - Kiribati New Version Bible

(Te Areru i bukiia ana aomata Kora; ana b'ai aia Mataniwi taan anene)E Tautaekaniia Botannaomata te Atua

1Uboubo ni kukurei, ngkami aika botannaomata!

Takaakaa ni kamoamoa te Atua.

2B'a E kakamaaku te UEA are Moan te Rietaata;

bon te uea ae kakannato, e tautaeka i aonnaba.

3E anganira te tokanikai i aoia natanaomata;

E katautaekaira i aoia botannaomata nako.

4E rinea abara i bukira, ae aia b'ai ni

kamoamoa ana botannaomata ake E tatangiriia.

5E rierake te Atua nakon ana kaintokanuea,

A takaakaa ni kukurei aomata ao a

katangaki bu ngke E rierake te UEA.

6Kam na anenea karaoiroan te Atua; aneneia;

Kam na anenea karaoiroan ara Uea, aneneia;

7B'a bon Uean aonnaba ni bane te Atua;

Kam na anenea te anene i bukini karaoiroana.

8E tauu taekaia botannaomata te Atua;

E tekateka i aon ana kaintokanuea are tabu.

9A bane ni bootaki aia uea natanaomata

ma ana botannaomata te Atua

are Atuan Aberaam;

B'a ana b'ai te Atua uea n aon te aba;

ana katikui aia b'ai ni buaka

E raka aroni karineana.