1E teirake te Atua ao E kauamaenakoia aiana.
A biri nako akana ribaia b'a a maaku.
2Aron te bubu n ai n ukaki nako, ao ai bon aroia naba ni kakioaki nako.
Aron te nenea n riki n neinei ni kabuebuen te ai are e mena i rarikina,
ao ai bon aroia naba akana buakaka ni kabuanib'ai i matan te Atua.
3Ma a kukurei ao a kakatonga akana raoiroi i matan te Atua;
A kukurei ao a kaonaki n te kim'areirei ae bati.
4Kam na anene nakon te Atua, kamoamoa arana;
Katauraoa kawaina are toka i aon taian nang.
Ao arana bon te UEA (Iah) kim'areirei ni menana i buakomi!
5Te Atua, are maeka n ana Tembora are tabu,
boni Ngaia ae tabeakiniia akana aki tabeakinaki irouia aia karo.
Ngaia naba ae tei i bukiia aine akana mate buia.
6E kareke aia tabo ni maeka akana tiku n aki raoraonaki;
Ao E kainaomataia buure man te karabuuti ao E kakab'aiaia;
Ma a na maeka akana rawa ni kan aan-taeka n te tabo ae m'auteretere aona.
7Te Atua, ngke Ko kairiia am Botannaomata,
ngke Ko nakonako ri nanon te rereua,
8Ao e m'ainging aon te aba, ao e b'aka te karau,
i bukin rokom Atuan Tinai,
ae Atuan Iteraera.
9Te Atua, Ko kabatia te karau ni kab'aka,
Ao Ko kamaiua abam ae e a nimamate kain aona.
10A maeka am Botannaomata i aona;
Ao Ko kareke b'aai i bukin kainanoia akana akea aia b'ai.
11E kanakoa ana taeka te Uea,
ao a bati aine ake a kabutaa nako te taeka anne:
12A biri nako uea ma aia taanga ni buaka!
A tib'atib'aaki aia b'aai ake a reke i mwiia irouia aine ni mwengaia; ao aikai baikanne:
13katotongaia taobe aika kabiraki aoia n te tirewa,
ao a karaneaneaki baiia ni kiba n te koora ae aki renganaki.
(A aera ami koraki tem'angina ngke a tiku i buakoni neia tiibu n tain te buaka?)
14Ngke E kauamaaeia uea te Atua are Moan te M'aaka,
ao ai aron taraan buakan te tinoo i aon Taremon.
15Ai korakora ra maungan Batian,
ae te maunga ae a bati tabuki bukin aona!
16E aera, ngkoe te maunga ae a bati tabuki bukin aom,
ngkai ko tara te maunga are E rineia te Atua b'a nena ni maeka?
E na maeka iai te UEA ae te Atua n aki toki!
17E roko mai Tinai te Uea ma ana ka ni buaka
aika m'aiti kurikuri aika katikitikaki irouia aoti,
Ao E rin nako nanon te tabo are tabu.
18E rierake nakon te tabo ae rietaata,
ao E kairiia aomata aika bati ake a taenikai i rouna;
E kareke angab'ai mairouia, ao mairouia naba ake a rarawa ni kan aantaeka.
E na maeka n te tabo arei te UEA ae te Atua.
19E na neboaki te Uea,
ae uouoti uotan te bong ae koraki;
Boni Ngaia te Atua ae kamaiura.
20Atuara bon te Atua ae maiu te aba i rouna;
te UEA Ngaia ae te Uea,
ae kamaiura man te kabuanib'ai ae ti na mate iai.
21E na boni kamanatuai atuia aomata akana ribaia,
Akana teimatoa n aroia ni bubure.
22E kaangai ana taeka te Uea, “N na kaokiia ami kairiribai mai Batian;
N na kaokiia mai kabini marawa,
23B'a kam aonga n nakonako i buakon te raraa,
Ao ami kamea a na newenewea te raraa n ai aron tokin nanoia.
24Te Atua, e a noraki nakonakom irouia aomata ni bane,
are m'anangam ni m'aati, te Atua ae au Uea, nako nanon am Tabo are Tabu.
25A ri moa taan anene, ao a rimwiaki
irouia ateiaine ake a ororei ni katang
aia b'ai ni katangitang,
ao taani katangitang mai buki.
26Kam na neboa te Atua n aia tai ni bootaki ana Aomata;
Neboa te Uea, ngkami akana kam riki mairoun Iteraera!
27A roko moa kaain te baronga are Beniamin, are te kabanea n uarereke;
ao i mwiia, mataniwi n te baronga are Iuta ma aia koraki,
ao a raonaki irouia aia mataniwi kaai te baronga are Teburun ma Nabetari.
28Te Atua, Ko na kaota m'aakam,
are m'aakam are Ko kamanena i bukira
29man am Tembora are i Ierutarem, ike a roko
iai uea n uoti nakoim b'aai n tituaraoi
30Ko na boaa Aikubita, ae kanga ai aron
te man ae aki manana i buakon uteute aika ririeta.
Boaiia botannaomata, ake kanga ai aroia kaao-m'aane ma kaao ataei, ni karokoa
ae a bane ni karineko ao a anganiko aia tirewa.
Kamaenakoia aomata akana tangira te kani buaka!
31Ane a na roko mai Aikubita taan tei i bukin te tautaeka;
Ane a na aantaeka I-Itiobia.
32Anene nakon te Atua, ngkami aika
aomata n aaba nako i aonnaba;
Anene n nebonebo nakon te Uea,
33are buti i aoni baona i karawa, are
te karawa ngkoangkoa.
Ongora ni b'anaana,
ae te b'ana ae korakora.
34Kam na atonga te Atua b'a E m'aaka,
ao E tautaeka b'a te Uea Ngaia i aoia Iteraera,
Ao a kaotiota aroni m'akana taiani karawa.
35Te Atua, Ko kakamaaku n rokom man am Tabo are Tabu
Atuaia Iteraera!
E anga te korakora ma te m'aaka nakoia ana Aomata.
Kam na neboa te Atua!
Who We AreWhat We EelieveWhat We Do
2025 by iamachristian.org,Inc All rights reserved.
