1N te bongi naba arei, ao E nako Iesu man te auti, ao E tekateka i rarikin te nama.
2 i buakoni koraa n uita, ao e nako.
26Ma ngaia are ngke a riki rake aroka ao a uaa, ao a tib'a kinaki iai ngkanne titania i buakoia.
27Ao a roko ana toro teuare ununiki, ao a taku nako ina, Te toka, tiaki ko uniki koraa ake a raraoi? Ao a roko maia titania?
28Ao e taku nako ia, E a tia ni karaoa aei te tia kairiribai. A taku tooro nako ina, Ko tangirira b'a ti na nako n taeki?
29Ao ngaia e taku, I aki; b'a a kawa ni koutaki nako uita ngkana kam taeki titania.
30Katikuia b'a a na uaia n riki rake ni karokoa tain te tai; ao ni bongin te tai, ao I a tuangiia taan rikoriko ni kangai, Booti moa titania, ao kabaei ni b'ab'ati b'a a na kabuokaki; ma ikoti uita nakoni nnen au am'arake.
Uaan te M'akeke ao te Iti(Mareko 4.30-32; Ruka 13.18-21)31E a manga tuangiia te rongorongo ni kabotau teuana, ao E kangai,
Uean te Atua ai aron uaan te m'akeke, are e anaia te aomata ao e unikia i abana.
32Bon te kabanea n uarereke i buakon uaa nako, ma ngkana e a ikawai ao e riki b'a te aroka ae moan te buubura i buakon aroka nako. E a riki b'a te kai are a roko iai mannikiba ni karaoi ngaoia i aoni m'angana.
33E a manga tuangiia te rongorongo ni kabotau teuana, ao E kangai,
“Uean te Atua ai aron te iti, are e anaia te aine ao e renganna ma te buraawa ae abwi rawawatana, ao e kabanea ni karikirakea te buraawa.”
Kamanenan Taeka ni Kabotau iroun Iesu(Mareko 4.33-34)34E atongi baikai ni kabane Iesu nakoia aomata n taeka ni kabotau: b'a E tatangiria ni kani kakamanenaa te taeka ni kabotau ngkana E reireiniia aomata;
35B'a e na kakoroaki bukin are e atongaki iroun te burabeti, ngke e kangai:
“N na kabonganai taeka ni kabotau ngkana I taetae nako ia;
na taekini baika karabaki mani moani karikan aonnaba.”
E a Kab'araki nanon te Rongorongo ni Kabotau are Taekaia Titania36E kitaniia aomata Iesu, ao E nako n rin n te auti. Ao a roko ana reirei i Rouna, ao a taku, “Ko na kaota nako ira nanon te rongorongo ni kabotau are taekaia titania ake ni nnen uita.”
37Ao E kaekaia ni kangai,
Teuare uniki uaa aika raraoi bon Natin te Aomata.
38Nnen aroka bon te aonnaba; ao uaa ake a raraoi bon aomata aika kaain Uean te Atua; titania bon te koraki ake ana aomata teuare buakaka,
39ao te kairiribai are uniki titania bon te riaboro. Bongin te tai bon tokin aonnaba, ao taan tai bon anera.
40Ao aron titania, ngkai a botaki ni kabuokaki n te ai, ao ai aroia naba te koraki ake ana aomata teuare buakaka: a na botaki ao a na kabuokaki n te ai n tokin aonnaba.
41Ane E na kanakoia ana anera Natin te Aomata, ao a na botiia mai buakoia kaain ueana te koraki ake a riki b'a taani kab'akab'aka nakoia aomata, ao koraki ni kabane ake a kakaraoa ae buakaka;
42ao ane a na teweia nako nakoni nnen te ai, ike a na tang ao a na tenai riaia iai b'a kaotan ae a rotaki n te maraki ae korakora.
43Ao ane a na raneanea akana raoiroi n ai aron taai n uean Tamaia. Ane iai taningana, ao ke e ongo.
Te Kabotau ae Taekan te B'ai ae Kakawaki are Kuneaki44Uean te Atua ai aron te b'ai ae kakawaki are karabaki n te tabo teuana, ao te b'ai are e kunea te aomata temanna ao e karaba; i nanoni kukureina ao e nako ni kabo nako ana b'ai ni kabane, ao e kaboa te aba are e karabaki iai te baerei.
Te Moomi ae bati Boona45Ao aio riki: Uean te Atua ai aron te tia bob'ai are ukoukori moomi aika raraoi;
46ngke e kunea te moomi teuana ae e bati boona, ao e nako ni kabo nako ana b'ai ni kabane, ao e kaboa te moomi ni booia.
Te Rongorongo ni Kabotau ae Taekan te Karaun47Ao manga aio: Uean te Atua ai aron te karaun are kab'akaki i nanon te nama, ao a reke iai ika n aekaia nako;
48ao ngke e on, ao a katikiarake aomata ao a tekateka ni kaokoroi ika ake a raraoi ni kaki i nanoni b'aene, ao a tetewe nako ake a bubuaka.
49Ao ai arona naba n tokin aonnaba. Ane a na roko anera ao a na kaokoroia akana buakaka ma akana raoiroi,
50ao a na teweia nako ni nnen te ai, ike a na tang ao a tenai riaia iai b'a kaotan ae a rotaki n te maraki ae korakora.
Koaua aika Boou ao Koaua Nikawai51Ao e titirakiniia Iesu b'a atai nanoni baikai ni kabane.
A taku nako Ina, “Eng.”
52Ao E taku nako ia, “Ma ngaia aei, b'a te tia koroboki ae reireiaki b'ain Uean te Atua, ai aron te aomata ae iai ana auti, ao te aomata arei e kaotinakoi b'aai aika boou ma b'aai nikawai mani nen ana b'ai.”
E Ribaaki Iesu i Natareta(Mareko 6.1-6; Ruka 4.16-30)53Ao Iesu, ngke E a tia n atongi taeka ni kabotau aikai, ao E kitana ikekei.
54Ao ngke E roko n ana kawa, ao E reireiia aomata i nanoni m'aneabaia, ao a mimi aomata ake a ongora i Rouna ao a taku, “E reke maia iroun Teuaei te rabakau aei ma te kona ni karaoi m'akuri aika kamimii aikai?
55Tiaki natin te kabenta Teuaei? Tiaki aran tinana Nei Maria? Ao tiaki tarina Iakobo, ma Ioteb'a, ma Timon, ma Iuta?
56Ao tiaki m'anena aika raora ni maeka? A reke maia ngkanne iroun Teuaei baikai ni kabane?”
57Ioa 4.44Ao a ribaia.
Ma E taku Iesu nako ia, “Iai karinean te burabeti n taabo nako, ma akea i abana, ao i nanoni mwengana.”
58Ao E aki kabatiai ni karaoi m'akuri aika kamimii iai i bukina ngke a aki onimakinna.
Who We AreWhat We EelieveWhat We Do
2025 by iamachristian.org,Inc All rights reserved.
