1E na buokiko te UEA ngkana ko reke n te kaangaanga!
E na kamanoko Atuan Iakob'a!
2E na karekea buokam man ana Tembora,
ao ni kateimatoako man te Maunga are Tion.
3E na butim'aai am karea ni kabane,
ao ni kukurei n am karea ni kabane.
4E na anganiko baika a mamate nanom iai
ao ni kakoroi bukin am babaire nako.
5Ao ti na takaakaa ni kim'areirei i bukin am tokanikai;
ao ti na kamoamoaa te Atua ni katioan am maniua n tokanikai.
E na kaekai am bubuti ni kabane te UEA.
6I a ataia ngkai b'a te UEA e na bon anga te tokanikai nakoia ana king ake E a tia n rineia;
E na kaekaa man ana karawa are Tabu,
ao E na buokiia ni kakatokanikaia ni m'aakana.
7Tem'angina a onimakin aia kaanibuaka,
ao tem'angina aia aoti,
ma ngaira, ti onimakina m'aakan te UEA ae Atuara.
8Ane a na konaaki aomata akana a onimakin aia kaanibuaka ma aia aoti,
ma ti na tokanikai ngaira.
9Te Atua, anga te tokanikai nakon te king;
ao ongo iroura ngkana ti weewete.
Who We AreWhat We EelieveWhat We Do
2025 by iamachristian.org,Inc All rights reserved.
