1Ao e taku te Atua nakon Iakob'a, “Kawaekoako n nako Betaera, ao maeka iai. Ko na karaoa te baonikarea ikekei i buku, Ngai ae te Atua are I kaoti ngkoa nako im ngke ko birinako mairoun tarim are Etau.”
2Ao e taku Iakob'a nakoia ana utu ma aomata ni kabane ake a mena i rarikina, “Kanakoi antiia ianena akana a mena i roumi; kaitiakingkami, ao karin i aomi kunnikai aika itiaki.
3Ti nang kitana ikai nako Betaera, b'a N na katea te baonikarea i bukin te Atua are E buokai ngkoa i nanon au tai ni mena i nanon te kangaanga, ao E memena irou n taabo nako ike I a tia n nako iai.”
4Ma ngaia are, a angan Iakob'a antiia ianena ni kabane ake i rouia, ao taian ruberube ake i taningaia. Ao e tauni i aan te Oke are i rarikin Tekem.
5Ao ngke a tabe ni manga m'ananga nako Iakob'a ma natina mm'aane, ao a bane n rootaki n te maaku aomatan kaawa ake a uakaan ma ngaiia, ao akea te b'ai ae kataia ni karaoia nakoia.
6Ao a roko Iakob'a ma ana koraki i Ruti, te kaawa are aranaki ngkai b'a Betaera, n te aba are Kanaan.
7Ao e karaoa te baonikarea ikekei, ao e aranna b'a “Atuan Betaera,” i bukina ngke E kaoti te Atua nakoina ikekei ngke e birinako mairoun tarina.
8Ao e mate ana tia tob'a Nei Rebeka are Nei Tebora, ao a taunna i aan te Oke are i maiakin Betaera. Ma ngaia are, e aranaki b'a “Oken te tanginiwenei.”
9Ao ngke e oki Iakob'a mai Metobotamia, ao E a manga kaoti riki te Atua nako ina ao E kakab'aia.
10Ao E taku te Atua nako ina, “Aram ngkoa Iakob'a, ma man te tai aei ao ko nang aranaki b'a Iteraera.” Ma ngaia are, E aranna te Atua b'a Iteraera.
11Ao E taku te Atua nako ina, “Boni Ngai te Atua ae moan te M'aaka. Karikiia natim aika m'aiti kurikuri. A na riki botannaomata mai roum, ao ko na riki b'a aia bakatibu taian uea.
12N na anganiko te aba are I anga ngkoa nakon Aberaam, ao nakon Itaaka, ao N na angania naba am kariki ake i mwiim.”
13Ao i mwiin arei, ao E a nako te Atua mai rouna.
14Ao e a katea te atibu ae te kanuringa Iakob'a ikekei n te tabo are E taetae iai te Atua nako ina, ao e katabua te atiibu arei ni kab'aroa te wain ma b'aan te oriwa i aona.
15Ao e arana te tabo arei b'a Betaera. Maten Nei Rakera
16Ao a kitana Betaera Iakob'a ma ana utu, ao ngke a kaan roko i Eberata, ao e a mamaraki Nei Rakera b'a e nangi bung, ao e uabuaka bungina.
17Ngke e a bon rangi ni maraki, ao e a taku te tia tobi, “Tai maaku Nei Rakera, b'a e a manga reke naba natim te mm'aane.”
18Ma e nangi mate Nei Rakera ngke e a tia ni bung, ao ngke ai boni kabanean ikena, ao e arana natina te mm'aane arei b'a Benoni. Ao Iakob'a e aranna b'a Beniamin.
19Ngke e mate Nei Rakera, ao e taunaki i rarikin te kawai nako Eberata, ae ataaki ngkai n arana ae Betereem.
20Ao e katea te atiibu ae te kanuringa Iakob'a ikekei, are e riki b'a kanikinaean ruanimaten Nei Rakera ni karokoa te bong aei.
21Ao e waaki nako Iakob'a ni karokoa e roko n iteran te taua are Etera, ao e katea ana auti n rianna iai.
Natin Iakob'a aika Mm'aane22Ngke e maeka Iakob'a n te aba arei, ao e wene ni bure Reuben ma temanna buun tamana ni kewe are Nei Birea; ao e ongo Iakob'a, ao e un iai.
23Natin Nei Reea mm'aane bon: Reuben (ana karimoa), Timeon, Rewi, Itaakara, ao Teburun.
24Natin Nei Rakera mm'aane bon: Ioteb'a ao Beniamin.
25Natina mm'aane ake natin ana toro Nei Rakera are Nei Birea bon: Taan ao Nabetari.
26Natina mm'aane ake natin ana toro Nei Reea are Nei Tireba bon: Kaata, ao Atera. A bungiaki i Metobotamia.
Maten Itaaka27Ao e nako Iakob'a nakon tamana are Itaaka i Mamre i rarikin Eberon, te tabo are a maeka ngkoa iai Aberaam ma Itaaka.
28Ao e maiu Itaaka ni karokoa tebubua wanibwi ana ririki ni maiu
29ao e a mate ngke e a bon rangi ni kara, ao a taunna natina ake Etau ma Iakob'a.
Who We AreWhat We EelieveWhat We Do
2025 by iamachristian.org,Inc All rights reserved.
