1Ao n te bong arei, ao Rib'aietan,
ane e na nim'atoaua ma ni birinako
manin taari ae e kakamaaku,
ma e na tiringnga te UEA
n te kabaang ae e kakamaaku, ae e kakang.
Te Kaawakinaki ao Kab'araan te bureE taku te UEA:2N te tai arei kam na riai n anenea
te nne ni kureebe ae e rangi ni uaa
3N na kaawakinna Ngai ae te UEA
ma n tebotebokia n taai nako.
N na teiakinna n te ngaina ma te bong
ma ni kaawakinna ma taiani kabuanib'ai.
4E a toki uniu.
Ma N na m'ananga ni buakanna
ma ni kabuokia ni kamannangnga
ngkana e kariki uaana aika a kateketeke.
5Ma ngkana e mwiokoai te nnenaroka ni kureebe
i bukin kaawakinana,
ao e na riki b'a raoraou
ao N na rau ma ngaia.
6N te bong teuana ao ane e na nene wakaaia aomatan Iteraera kaanga te kureebe.
Ane a na uee ma ni kariki uaa
aika a na kaona te aonnaba.
7Bon te UEA Ngai, ae I aki katuaaia ma n tiringiia
aomatan Iteraera
n aron te tiritiri ao te katuua ae e kakamaaku
are I tiringiia iai aia kairiribai nako.
8I Karaua ni wareb'aia
tuaan Iteraera
ma ni kanakoa te ang ae e kabuebue
b'a e na kakioia nako kiiraroa.
9Bon ti teuana te kawai ae e konaa iai
ni kab'araaki iai ni kabane
ana bure Iteraera:
a riai ni kamaaenikuni atiibu nako
ake aia baonikarea beekan
ao aia tabo n taromauri.
E Bootia Ana Aomata Te UEA10A na tiku taian nono
kaanga taian rereua
ike akea ae e maeka iai.
A na nakonako taiani kao i aona ae e a urubekebeke,
ni kabaabanei arokan aona.
11Ao ngkana a b'aka m'aangana
aika a m'aoto i aontano
ao a manga roko aine n anaia
b'a kanaan aia ai.
Ma a bon rangi n nanobaba aomata aikai
n te aro are E aki konaa n nanoangaiia
te Atua are e karikiia.
12E a roko te tai are e na ioioa iai te aba te UEA are i marenan te Karaanga are Iuberetiti ao tian te aba are Aikubita, ao e na ikotiia ana Aomata temanna i mwiin temanna.
13E na ongo te aba tangin te bu ae e tangi m'aaka. Ao i mwiina, a na oki n taromauria te UEA i aon ana maunga ae e tabu i Ierutarem aomatan Iteraera ake a uaakinaki nako ngkoa nako Aturia ao Aikubita.
Who We AreWhat We EelieveWhat We Do
2025 by iamachristian.org,Inc All rights reserved.
