1Te UEA, Ko a tia ni kekera nako arou ao Ko ataai.
2Ko atai b'aai ni kabane aika I karaoi;
Ko ataa nanou mai kiraroa.
3Ko norai ngkana I m'akuri ke ngkana I wene ni motirawa;
Ko atai aroarou ni kabane.
4I m'ain taetaeu ao Ko a kaman ataa
te taeka ae na oti nako mai wiiu.
5Ko mena i rarikiu n iterau nako;
Ko kamanoai ni m'aakam.
6E kamimii irou te ataib'ai aei;
e ri aon au atatai.
7N na nakea mairoun Tamneim?
N na biri nakea mai matam?
8Ngkana tao I rierake nako karawa, ao bon are iai naba Ngkoe;
Ngkana tao I karaoa nneu ni wene i nano n aia tabo maate, ao bon are iai naba Ngkoe.
9Ngkana tao I kiba nako nakon are i tinanikun are mainiku,
ke ni maeka n te tabo ae te kabanea n raroa i maeao,
10ao Ko na boni mena naba ikekei ni
kairiirai ma ni buobuokai.
11I kona n tuanga te roo b'a e na karabaai
ke te oota ae otab'aniniai b'a e na riki ni bong,
12Ma akea te roo iroum,
ao e oota te bong n ai aron ootan te ngaina.
Ti te bo te ngaina ma te bong iroum.
13Ko kariki b'ain nanou;
Ko kariki b'ain rab'atau i nanoni biroton tinau.
14I katituaraoiko, b'a e kakamaaku ma ni
kamimii karaoau iroum;
A kamimii baika Ko karaoi, ao I ataia raoi.
15Ngke a moa n riki riu, ngke a karauaki
n tomatomaaki raoi i nanoni biroton tinau,
ngke I tabe n rikirake ikekei n te tabo ae raba,
Ao Ko bon ataia ae I mena ikekei;
16Ko norai i m'aini bungiakiu.
A kaman tauaki mwini boong ake a katauaki i
buku i nanon am boki,
i m'ain rokoia.
17Te Atua, ai kaangaanga ra kunean am iango irou;
ai ewa ra m'aitiia!
18Ngkana I wareki m'aitiia, ao a bati riki nakoni m'aitin tanon aon te bike.
Ngke I uti, ao Ko boni mena naba i rarikiu.
19Te Atua, ai terana ngke Ko tiringiia akana buakaka!
Ai terana ngke a katukai n aki kumeai akana iowawa!
20A atong taeka ni kabuakakako;
a taetae n aki akaaka i bukin aram.
21Te UEA, ai ribaki ra irou akana ribaiko!
Ai aki kan taraki ra irou mataia akana rawa ni kan aantaeka iroum!
22Moan te korakora ribakiia irou;
A riki b'a au kairiribai.
23Te Atua, ko na kekera nako arou,
ao ataa nanou, Ko na kataai, ao kunei au iango.
24Ko na norai b'a iai te bae buakaka i nanou ke akea,
Ao kairiirai i nanon te kawai ae akea tokina.
Who We AreWhat We EelieveWhat We Do
2025 by iamachristian.org,Inc All rights reserved.
