1Ao ngke I a manga taratara nako te kauoua n tai, ao I noora te niira ni boki ae e kiba,
2ao e titirakinai te anera ni kaangai, “Tera ae ko nooria?”
3Ao i mwiina, e tuangai ni kaangai:
E karokoa te maraia te niira ni boki aei i aoia aomata nako aika i nanon te aba aika a kimoa ke aika a b'anga ni kewe. Ao te koroboki are ni iterana are te iterana, e koreaki iai taekan te urub'ai nakoia aika a kimoa, ao ni iterana are te iterana e koreaki iai taekan te urub'ai nakoia aika a b'anga ni kewe.
4Ao E taku te UEA ae Moan te M'aaka, “I kanakoa te niira ni boki aei nakon aia auti aomata nako aika taani kimoa ke taani kewe n arau, ao e na tiku ikekei ni karokoa e bane ni b'aka kain nako te auti arei.”
5Ao n te tai aei, e roko te anera are e tei ikekei ni kab'arab'ara te kaotioti ao e taku, “Taraa eta ao tuangai b'a tera ae ko nooria n roko.”
6Ao I kaeka ni kaangai, “I aki ataia b'a tera,”
Ao e taku, “Bon te b'atiketi. E kaotia b'a tera ae inanoia aomata nako aika n te aba.”
7E uki matan te b'atiketi arei, ao kanoana bon te aine.
8Ao e kab'arab'ara te anera arei ni kaangai, “E tei te aine arei i bukin te buakaka.” Ao i mwiina, e a manga kaokia nako nanon te b'atiketi ao e karebwetauaa matana are e rawaawata arei ni kamatoa ni kakiia.
9Bon i mwiin aei, I nooriia uoman aine aika roko mai karawa kaanga taian mannikiba aika a taakin baiia ni kiba i nanon te ang. Ao a ti kawaekoaia naba ni uotaanako te b'atiketi arei nako eta,
10ao I titirakina te anera ni kaangai, “Ao a na uota nakea te b'atiketi?”
11Ao e kaeka ni kaangai, “Nako B'aburon, ike a na karaoa iai te auti i bukin te b'atiketi ao a na katikua i nanona.”
Who We AreWhat We EelieveWhat We Do
2025 by iamachristian.org,Inc All rights reserved.
