I-Korote 2 - Kiribati New Version Bible

1B'a I tangiringkami b'a kam na ata arou ni kakorakoraai ni m'akuri i bukimi, i bukiia ake i Raorikeia, ao i bukiia naba aika m'aiti aika tuai n nora matau.

2I karaoa aei b'a a aonga ni kauungaki nanoia, n aroia n reitaki n te tangira, ao b'a a aonga n aki nanokokoraki teutana n te atatai, are e na ataaki raoi iai te baere raba, are Kristo, are mairoun te Atua,

3are a bane ni karabaki i nanon taian rabakau ma atatai nako.

4I atonga aei b'a e kawa temanna ni m'am'anaingkami n taeka n anai nano.

5B'a I boni ngae n aki mena i roumi n te rab'ata, ma I boni mena naba i roumi n te tamnei; ao I kim'areirei n noran aromi aika riai ma aromi n teimatoa n onimakina Kristo.

Te Maiu ni Koaua i nanoni Kristo

6Ma ngaia aei, ngkai kam a tia ni butim'aea Kristo Iesu are te UEA, ao kam na maiu n reitaki ma Ngaia.

7A na nene wakaami i Rouna, ao karikia b'a aani maiumi. Kam na kateimatoaki n ami onimaki, n te aro are kam reireiaki iai, ao kam na kabatia te katituaraoi.

8Kam na taraia b'a e kawa temanna ni kairingkami n te rabakau n aomata ae akea bongana ae m'am'ana te aba, ae nako man aia taeka n reirei aomata ao mani baika iai m'aakaia n te aonnaba aei, ma tiaki mairouni Kristo;

9b'a e bane ni mena te aro n Atua i nanoni Kristo, ni maiuna n aomata.

10Ao kam a tia n anganaki te maiu ni koaua ngkai kam reitaki ma Ngaia, are atuuni m'aaka ma korakora ni bane.

11N aromi naba n reitaki ma Ngaia ao kam a tia ni kaitiakaki, tiaki n te kaitiakaki are korean te iriko man te rab'ata ni bain te aomata, ma n ana kaitiaki Kristo;

12 te Atua ma Kristo, ngkae E a tia ni kab'ara ara bure ni kabane;

14 mani m'aakaia uea ma ake a tauu aroia aomata; E karaoia b'a b'aai ni kamataku nakoia aomata ngke E kairiia n ana m'aati n tokanikai b'a taenikai.

16

17Boni bannani baika na roko baikai, ma te oi ni b'ai ni koaua boni Kristo.

18Kam na tai kariaia b'a e na baireaki taekami b'a kam aki tau iroun temanna are taku b'a e kakannato riki, i bukina b'a e a tia n nori baika kanga taiani mii, ao are e imanonoa b'ainakin te baka n nanorinano ma taromauriaia anera. Akea manenani kainikatongana i bukina b'a e b'aina te nano n aon te aba,

19I-Eb 4.16ao e a tia n aki nim ma Kristo, are atun te rab'ata ae b'anin, are Ngaia ae anga te korakora nakon te rab'ata, ao E kamanenai toma n ri ma iaia b'a b'ain tauani b'ain te rab'ata.

Te Maiu ae Boou i nanoni Kristo

20Ngkai kam a tia ni mate ma Kristo ao kam a kainaomataki mani baika iai m'aakaia n te aonnaba aei. Bukin tera ngkai kam maiu ao n riki b'a kaain te aonnaba aei? Bukin tera b'a kam kairaki i aan tuua aikai

21“Tai taua,” “Tai katongnga,” “Tai riingnga”?

22A kaeti taekani baikai nakoni baika na riki n akea bonganaia ngkana a a tia ni kamanenaki; bon tuua ma reirei aika karaoi aomata.

23Kanga b'aai ni baka n rabakau tuua aikai i rouia nake a i manonoia aomata b'a a na taromauriia anera, ao b'a a na b'aina te baka n nanorinano ma aki akoan te rab'ata; ma akea manenaia nakon te aomata ae kan tautaeka i aoni baika e kainanoi rab'atana.