1.Tamuera Taekan te Boki aei - Kiribati New Version Bible

Taekan te Boki aeiTe moan ao te ka uoua n Tamuera bon booki aika tii teuana ni moan rikiia. A bane n taekina aron rongorongon Iteraera man te ririki ae 1080 nakon 970 BC, man moan bungiakin te burabeti are Tamuera nakon maten te uea are Tawita. Booki aikai aki tii taekina aron maiuia ana ninikoria Iteraera aika teniman aika a nang eke aroia aika Tamuera, Tauro, ao Tawita—ma a bon taekina naba b'a e kanga aron Iteraera ni waaki man aroia ni mamara are a tautaekanaki iai irouia taani motikitaeka nakon te botannaomata ae korakora ae tautaekanaki irouia uea. Te Moan Tamuera e moanaki man rongorongon Tamuera; e taekina aron bungiakina, weteakina mairoun te UEA, ao mwiokoana b'a te burabeti ao te tia kairiri ngaia n te taanga ni buaka. Ngke a imanonoa Tamuera aomata b'a e na rinea aia uea ae na tautaeka i aoia n aroia naba ake a tautaeka n aaba ake i rarikiia, ao te UEA e tuanga Tamuera b'a e na rinea Tauro man te baronga are Beniamin b'a ana moan uea Iteraera. Te uea ae Tauro e aki kakukureia te UEA ao n tokin ana aki ongeaba ao te UEA e tuanga Tamuera b'a e na aki manga riki b'a te uea ao ni manga kaira Tamuera b'a e na rinea Tawita, te tia kawakin tiibu man uarerekena n te baronga are Iuta, b'a manga te uea i Iteraera. I mwiina, ao Tauro e riki b'a ana kairiribai Tawita, ao Tamuera e buoka Tawita ni kabirinakoa mairoun Tauro. Te moan Tamuera e toki n rongorongon maten Tauro ma natina are n te buaka ni kaitaraia Biritia. Te Kauoua n Tamuera e a manga reita te karaki ao n tua b'a e kanga Tawita, n rineia te Atua ae tii temanna b'a e na onea mwiin Tauro, e a riki b'a te uea ae booti mani kakorakora ana tautaeka Iteraera.Oi n iango i aon te boki aeiTamuera ae te tia motikitaeka i Iteraera 1.1—7.17

Tauro e a riki b'a te uea 8.1—10.27

Moan ririkin ana tautaeka Tauro 11.1—15.35

Tawita ao Tauro 16.1—30.31

Maten Tauro ma natina te m'aane 31.1-13