1Biri n rawei maiumi,
aomatan Beniamin.
Oti nako mai nanon Ierutarem.
katanga te bu i Tekoa
ao kaura te ai are te kanikina
i Beta-Akirem.
Ko na oreaki n te tai ae e aki maan
n te kabuanib'ai mai meang.
2Bon au tabo n uteute ae e taatangiraki Ierutarem,
ma ane a na katobibiko taani kaawakintiibu
ma n tib'atib'aiko,
3ao i mwiina, kam na kang
taian uteute ni kabane.
4A na tuangiia aia taanga ni buaka taiani uea ni kaangai,
“Ngkana ti roko i Ierutarem
n te moaningabong,
ao ti na buaka n te tawanou.
Ma ngkana ti iremwe n roko,
5ao ti na buaka n te roo
ma n uruakii nonona.”
6Bon te UEA Ngai ae Moan te M'aaka,
ao I tua b'a a na bane taian taanga ni buaka aikai
ni koroi aroka ni kabane
ma ni katei b'ain ninian nonon
Ierutarem.
Kaain Ierutarem,
N na katuuaingkami
i bukin ami motibuaka.
7E raanganako te buakaka man ami kaawa
kaanga te ran man te koburake n ran.
E na ongo te aba karongoaan taian tiritiri
mai nanon oon ami kaawa;
A na raea konan te buaka n taabo nako,
a ikoaki ao a mate.
8Ongora i Rou,
ngkami aika kaain Ierutarem
ao kaain Iuta.
N na kiitaningkami,
ao e na riki abami
b'a te rereua ae akea kanoana.
9N na tuangiia ami kairiribai
b'a a na katuka ami botannaomata n akea b'ain aona
kaanga te kureebe ae e kamraraaki uaana.
Bon aei au taeka Ngai ae te UEA
ae Moan te M'aaka.
Unin Ieremia10I a tia n tuangiia aomata
ae Ko na katuaaia
ngkoe ae te UEA,
ma a ti ngare
ao a rawa n ongo.
11E ura unim n ekaanako Iuta
i nanou
ao I aki konaa
n taotaonna.
E Na Kamaunaia Aomata Nako Unin Te UEAE taku te UEA:Ko na aki tautauai!
Ti nang kamaunaia aomata ni kabane—
ataei akana a tabe n takaakaro
ao ikawai ni kabane,
ti te bo ataei ma ikawai.
12N na katuaaia kaain Iuta
ma n anga aia auti ma aia tawaana
nako ia tabem'aang,
ao ai uana naba ma buuia.
Bon aei au taeka Ngai ae te UEA.
13A bane aomata n nanonrang ma ni buakaka,
te kaub'ai ma te kainano.
Ni karokoa naba taian burabeti ao ibonga
bon akea naba onimakinaia.
14Ti te b'ai ae a konaa n anga
nako ia au aomata aika a rangi n ikoaki
kantaningaan te rau ae akea nanona.
15A riai ni mamaa
n aia bure ae moan te ribaaki,
ao a aki roko naba n te mainarake moaia.
Ai ngaia are ngkana I katuaaea Iuta,
ao a na bane n toki i aon aontano,
ni mate kaanga aekaia aomata nako.
Bon aei au taeka Ngai ae te UEA.
A Katinanikua Maiun te Atua Kaain Iuta16E taku te UEA:
Au aomata, ngkana kam tei
n taian tutani kawai,
I tuangkami ni kaangai, “Ira te kawai
are a m'ananga naba iai ami bakatibu,
ao e na reke iroumi te rau.”
Ma kam rawa.
17I bon kanako ia naba taiani burabeti
b'a a na kauringngkami i bukin te kabuanib'ai,
ma ngke a katang te b'ai ni kauring,
ao kam bon aki kan tabe iai.
18Ai ngaia are I tuangiia botannaomata nako n te aonnaba ni kaangai,
“Mataku n te b'ai ae N nang karaoia!
19A kakeaa bonganau Au aomata
ao a katinanikui au tua nako.
A baaireia b'a a na karaoi m'akuri aika a buakaka,
ao ngkai, te buakaka are a baaireia
e na manga bon riki nako ia.”
20Kaain Iuta,
kam uoti nako iu taiani b'ai ni kaboiarara mai Tieb'a
ao b'ai ni kangkangian te am'arake man aaba aika a raroa.
Kam karean aekaki ni man ni kabane.
Ma e aera ngkai kam tabeaianga?
I ribaai ami b'aintangira aikai ni kabane!
21Ma ngaia are, N na kaaki te b'ai ni katoki wae
i m'aain kawaimi,
ao a na bane ni mate,
ni karokoa naba tamami ma natimi,
kaain rarikimi ao raoraomi nako.
Te Taanga Ni Buaka Mai Meang22E taku te UEA,
“Taratara nako nako iang,
nakon te tabo are e mena iai te botannaomata ae e korakora
are e katauraoi nakon te buaka.
23A iowawa ana taanga ni buaka aika a toamau ni b'aai ni buaka
ao bon akea aia nanoanga.
Ti te bo tangitangin aia aoti
ma rurungaan naon marawa
ngkana a rebwe i aon te bike.
A na buakaningkami te taanga ni buaka aei,
ngkoe ae Ierutarem ae ko tangiraki.”
24Ao a taku aomata,
“Ngkana ti ongo taekaia
ao ti a ruru naba ni maaku,
ao ti minomino ni maraki
kaanga te aine ae e bungiia natina.”
25E taku te UEA,
“Kam na aki m'akuri i nanon ami tawaana nako
ke n nakonako i nanon te kawai.
E rangi ni kamaamate.
A rangi toamau kairiribai ni b'aai ni buaka
26ao a buaka n aki anga te katauraoi.
Ma ngaia are, kam na tang ngkami aika au aomata, n ai aron
ae e a tia ni mate natimi.
Karin kunnikai aika a karaoaki n taian kunnikai aika a mangaingai
ao kam na rabinobino nako nanon te b'ariko ni mannang.”
A Na Riai Ni Kataaki Ana Aomata Te UEAE taku te UEA:27Ieremia, kataia au aomata
kaanga aongkoa te biti ngaiia.
28Ao ane ko na kuneia b'a ti te bo matoaia
ma kaanga te buraonti ao te biti.
Bon taani kakaitaraai aika a taningamatoa ngaiia,
ao a aki toki n tataekin taiani kewe.
29E konaa ni manga kaitiakaki te tirewa
n te ai ae e uram'aaka,
30ma a bon rangi ni buakaka au aomata
n te aro are a aki konaa ni manga kabouaki,
ao I a tia ni katinanikuia.
Who We AreWhat We EelieveWhat We Do
2025 by iamachristian.org,Inc All rights reserved.
