Itaia 34 - Kiribati New Version Bible

A Na Riai Ni Motikaki Taekaia Bootanaomata

1A na bane aomata man taian botannaomata,

n te aonnaba ni kabane,

ao b'aai ni kabane aika a maiu,

n nakomai ni kakauongo!

2E a rangi ni un te UEA

irouia botannaomata ni kabane;

E a tia ni kabuakakaia

b'a a na tiringaki.

3A na tiku rab'ataia aika a mate

ni buakaka ao ni boiraa,

a raanga rikaaki raraaia

man taiani maunga.

4A na mauna nako taian itoi n tatabeua nako

ao e na rukumaki karawa

kaanga te niira ni boki.

A na m'au ao n rai

b'ai ni karawa

kaanga baan te oriwa aika a rai

ke taian uanikai i aon te aroka.

Ana Kaangaanga Etom

5Ngke e a tia ana kabaang te UEA

ni karaoa te b'ai are e tangiria

nakon taiani karawa aika i eta,

ao e na ruo i aon Etom,

te botannaomata are e a tia te UEA

ni motikitaekaia nakon te b'aka.

6E on ana kabaang te UEA

n te raraa

aika raaraia tiibu ataei ao kooti ataei,

n reitaki ma nenean

aia kirine taian tiibu m'aane.

E na riki aei i bukina ngke

e na tiringiia aomata aika a m'aiti te UEA

ao E na karaoa te karea i bukiia

n te kaawa ae e bubuura are Botira

ao n taabo nako

i Etom.

7Bon taiani kao aika a aki manana taani kairiiri i Etom.

Bon taian kaom'aane aika a marurung,

ma a na boni mate naba

ma ake tabeman.

Ane e na onrake abaia

n raraaia

ao e na maiu tanon abaia

ni kiritin rab'ataia.

8E a tia te UEA ni katea

te ririki ma te bong,

are e na irantaanga iai

ao n roko i Tion i bukin kamanoana.

9Ane a na oneaki taian raanga n ran ake i Etom nakon te taa

ao e na riki tanona b'a taian burimton

ao ane e na ura aon

te aba ni kabane.

10Ane e na bue n te bong ma te ngaina

ao e na aki toki bubuna.

E na riki Etom b'a te rereua,

ao e na akea ae e na manga;

riri nanon te aba arei

n te roro teuana ma teuana.

11A na karaoa mwengaia taian

aure, aoki, ao maan aika a aki manana

E na katikua te Atua ma te urubekebeke,

ai bon te b'ariko n atiibu.

Tokin Etom

12E na aranaki Etom b'a

“Te abanuea ae akea kiito iai.”

A na akea kiito i rouia ana taan tautaeka.

13A na onrake ara baareti ma nonona

n taian kateketeke;

bon ti taian kameanti ma aotireti

aika a karaoa mwengaia ikekei.

14Ane a na kaai ni kakaaea kanaia

katam'anti ao aiena,

ao a na takaarua taian taimonio nakoia taian taimonio,

ane a na maeka manin te tairiki

i buakon b'ai aika a urubekebeke.

15Ane a na karaoi ngaoia taian aure ikekei

i bukin ikawaia natiia

i marenan atiibuna nako,

ngke a tabe utuun nako te ikare

ni kibakiba ni katobibi.

16Ko konaa ni kakaaea

ao ni kunea

n ana boki te UEA

n are e koreaki iai,

“E ikoti ni kabane ana karikib'ai te UEA

ni m'aakan Tamneina,

ao akea temanna ae e bua.”

17E a tia te UEA ni baairea

te tabo ike a na maeka iai n tatabemaniia;

ana mena ikekei n aki toki,

n te roro teuana ma teuana.