1Kam nang roko n te aba ma ni buakaniia botannaomata n te tai ae aki maan. E na tiringiia te UEA ae Atuami ma n anganingkami abaia, aia kaawa, ao aia auti. Ao ngkana kam a tia n tekateka raoi iai,
2-4ao kam na rinei tenua kaawa ni kamauri. Kam na tib'a te aba nakon tenua te m'akoro, ao karekea teuana te kaawa ni kamauri n teuana te m'akoro. E na mena te kaawa ni kamauri i nuukan taiani m'akoro akanne n tatabeua nako b'a a aonga ni aki kangaanga kaeana man taabo nako i aon te aba.
B'a ngkana iai mai buakomi ae tiringa te aomata n tiaki nanona, ao e kona ni birinako nakoni kaawa ni kamauri akanne ma ni karekea manona man te tiringaki. Ma e riai ni kakoauaki b'a bon akea unim iroun teuare ko tiringnga.
5Te b'ai ni katoto teuana e kaangai, tao ko nako ni korokai ma raom i buakonikai, ao i nanon am tai ni korokai, ao e a ti kibanako naba wiin te angaraa ma ni bo iai raom arei, ao e mate. Ko a kona ngkanne ni birinako ni karabako n teuana mai buakon kaawa ni kamauri akanne ni kamanoko iai.
6Ko bon aki riai n tiringaki b'a bon tiaki nanom ni kaikoakia. Ma e a mate, ao ane a na bon un ana koraki man tangiria ni manga tiringko. Ane a na bae n rinea aia utu temanna ane te kabanea ni kaan nakon teuare mate, ao a na bae ni kanakoa b'a e na rimwiiko n tiringko. Ao ngkana a rangi n raroa nako Kaawa ni Kamauri aikai ao e na reke te tia tiritiri iroun are ri mwiina.
7Ao bon anne bukina are I taku iai b'a a na riai n reke tenua Kaawa ni Kamauri.
8-9Kaain Iteraera, E berita te UEA ae Atuami b'a ngkana kam ongotaeka nakon ana Tua ma ana Reirei aika I anganingkami, ao ngkana kam tangiria naba n taai nako, ao E na anganingkami te aba are E berita iai nakoia ami bakatibu. Ao ngkana e a koro bukin anne, ao kam na manga rinei riki tenua Kaawa ni Kamauri n te aba e boou.
10Kam na bon kainanoi baikanne, ma ngaia are, a na aki tiringaki aomata aika bon akea aia bure i aon abami ngkana a tabe ni kaei Kaawa ni Kamauri. Kam na bure n tiriaomata ngkana a mate aomata aika akea aia bure i bukina ngke kam aki karekei kaawa ni Kamauri n te aba are E a anganingkami te UEA ae Atuami.
11Ma tera aromi ngkanne ngkana kam boni karaoa te tiriaomata? Ngkana tao iai temanna maibuakomi ae ribaa kaain rarikina. Ao kam nakon te tabo a e akea kaaina ni karanna iai, ao e tiringnga, ao e biri nakon te Kaawa ni Kamauri.
12Ngkana e riki te aro anne, ao a na kanakoa te rongorongo taani kairiiri man ami kaawa nakon te Kaawa ni Kamauri b'a e na kairaki rikaaki te aomata anne nako nanoni baiia ana koraki te aomata are mate b'a a na tiringnga.
13Kaain Iteraera, kam na riai n tiringa te aomata ane tiringa te aomata ae akea ana bure i bukin karekean te rau n abami. Kam na bon aki kaota te nanoanga nakon te aomata ae te tia tiriaomata.
Tian AabaAo e taku Moote nakoia Iteraera:14Bon iai taian atiibu aika taian tia aika a kaman kateaki b'a tian taiani katawanang n te aba ae E anganingkami te UEA. Ma ngaia are, kam riai n aki kam'aing taian tia aikai.
Taani KakoauaAo e taku Moote nakoia Iteraera:15A na ti kakoauaaki aia kaotioti uoman taani kakoaua i bukin motikantaekaia aomata.
16Ngkana ko bukina temanna n te bure teuana, n te aro ni kewe,
17-18ao ko na uotaki nakon te tabo are E taromauriaki iai te UEA. Ao a na kakaea taani moti ma ibonga ikekei b'a ko kewe, ke ko koaua.
Ngkana ko kewe, ao akea ana bure te aomata are ko bukinna,
19-21ao ko na katuaaeaki n aki manga nanoangaaki. Kam na anganaki te tuua are e na anganaki ngkoa te tia bukinaki ngke arona b'a e reke ni bure, b'a tao koutakin te kanoani mata, te wii, te bai, te wae, ke bon te tiringaki.
Kaain Iteraera, bon iai tuaan te bure ni kewe n te bowi. B'a ngkana a noora aroia aomata ake a kewe n te bowi taian aomata, ao ane a na aki manga taekina te kewe n te bowi.
Who We AreWhat We EelieveWhat We Do
2025 by iamachristian.org,Inc All rights reserved.
