1Ao e a manga taku riki Moote nakoia Iteraera ni kabane:
2E a koro ngkai 120 au ririki ni maiu, ao I a aki tau n riki b'a te tia kairiiri iroumi. Ao i rarikin anne, E a tia n tuangai te UEA b'a E aki kariaia b'a N na ri nanon te Karaanga are te Ioretan.
3-5Ma E a tia ni berita b'a E na kairingkami boni Ngaia ma Iotua ri aon te Ioretan ni buakaniia botannaomata ake a maeka n iterana are teuana. E na tiringiia botannaomata aikai te UEA, n aron are E a tia ni karaoia nakoia Taion, ao Oka ake uean Amora ake uoman. Ururingnga b'a ngkana kam taua te tabo teuana, tiringiia kaaina ni kabane akana a maeka iai.
6Kam na ninikoria ma ni korakora. Kam na aki maakuia botannaomata ake n iteran te Ioretan are teuana. E na teimatoa te UEA ae Atuami ni mena n ami itera, ao E na bon aki kitaningkami.
7Ao i mwiina, e wetea Iotua Moote nako mataia aomata, ao e taku:
Iotua, ko na ninikoria, ao ko na korakora ngkana ko kairiia aomata aikai nako abaia. E karaoa te berita te UEA ngkoa nakoia aia bakatibu Iteraera b'a e na riki te aba aei n te bong teuana b'a abaia Iteraera. B'a e a roko ngkai te tai, ao kam riai n tib'a te aba nakoia aomata.
8E na kairingkami te UEA nakon te aba. E na memena iroumi n taai nako mani buokingkami, ma ngaia are, tai mamaakuia ami kairiribai nako.
Wawarekan Te Tua Irouia Kaain Iteraera9Ao e koroi tuua ma reirei aikai ni kabane Moote ao e anganiia ibonga ma taani kairiiri i aoia Iteraera. A nako man te baronga are Rewi aomata aika taiani ibonga, ao a uouota te Atiniberita.
10-11Ao e tuangiia ibonga ma taani kairiiri Moote ni kaangai:
A na bobotaki Iteraera ni katoa ririki ni karaoa te Toa ae M'anganikaai n te tabo are E a tia n rineia te UEA b'a te tabo n taromauri. Kam na wareki tuua ma reirei aikai nakoia aomata n tain te toa ni katoa te kaitiua n ririki, te ririki are a katokaki iai kab'araan taian taarau.
12-13A na riai ni bane n roko aomata ni kabane--m'aane, aine, ataei, ao taian iruwa naba akana maeka n ami kaawa nako. Ao a na ongora rooro nako ma n reireiniia taromauriakin te UEA ae Atuami ma te maaku ao te ruru ma ni karaoi raoi b'aai ni kabane akana taekinaki n ana Tua te Atua.
Rawaia Kaain Iteraera Nakon Te UEA14Ao E taku te UEA nakon Moote, Ko na waekoa ni mate. Ma ngaia are, kairaamai Iotua nakon te Um'antabunrianna, b'a N na rineia b'a te tia kairiiri i aoia Iteraera.
Ao a nako n rin Moote ma Iotua n te Um'antabunrianna,
15ao E kaoti te UEA n te nang ae matenten i aon mataroan te Um'antabunrianna.
16Ao E taku te UEA:
Moote, Ko na mate n te tai ae e aki maan, ao a nangi rin Iteraera n te aba ike a taataromauriaki iai atua riki tabeman, ao ane a na rawa irou Iteraera ma ni moana taromauriaia atua aikai. Ane a na urua te boraraoi aomata n aron are I a tia ni karaoia ma ngaiia,
17ao ane N na rangi n un, ao N na kiitaniia ma n aki kan ongo aia tataro. N na karokoa te kabuanib'ai ma te maraki irouia, ao ane a na kuri ni bane ni mate. Ao ni bon tokina, ane a na uringaaba, ao a na ataia b'a e roko te kabuanib'ai i bukina ngke I kitaniia.
18Ane a na tataro nako iu, ma N na aki kubariia i bukina ngke a buakaka ma ni moana taromauriaia atua tabeman.
19Moote ma Iotua, N na anganingkami taekan te anene ae boou. Kam na koroi ao reireiniia Iteraera. Ngkana a kamateb'aia, ao ane a na atai baika I tangiria b'a a na karaoi. Ma ngaia are, a na bon akea aonaia ngkana a aki ongotaeka irou.
20I uotiia ngkai nakon te aba are I berita iai nakoia aia bakatibu. Bon te aba ae kaub'ai n te miriki ma ana karewe te manibeeru, ao e na ri aon ae riai m'aitin kanaia kain Iteraera. Ma ane a na marikarika ao a na tannako mairou.
21Ngkana I katuaaia Iteraera ma kanoaia n taian karawaawata ma kabuanib'ai, ao N na kauringiia ae a na ataia b'a a bon atai taekan te anene aei. Ma ngaia are, bon akea aonaia ngkana a aki ongotaeka irou.
N na anganiia te aba are I berita iai nakoia, ao I bon atai raoi baika a na karaoi rimwi.
22Ao e koroi taekan te anene Moote n te tai ae waekoa, ao e reireiniia Iteraera.
23Ao E taku te UEA nakon Iotua, Ko na ninikoria, ao ko na korakora. N na buokiko ni kairiia Iteraera nakon te aba are I a tia ni berita iai nakoia.
24Ao e koroi taian tua ma reirei ni kabane Moote n te boki,
25ao i mwiina, e nakoia kanoan Rewi ake a uouota te Atiniberita ao e taku:
26Aio ana Boki n tua te Atua. Kam na kawakinna i rarikin te Atiniberita are tabu are kanoana ana Boraraoi te UEA ae Atuami are karaoia ma Iteraera. Te B'ai ni kakoaua te boki aei b'a kam atai baika E tangiria te UEA b'a kam na karaoi.
27Ao I bon atai taningabonomi ma ami kamangao ma Iteraera ni kabane. Kam a tia n kakaitaraa te UEA ngkai I boni maiu i rarikimi, ao ane kam na rangi ni buakaka riki ngkana I a kiitaningkami.
28Ma ngaia are, kam na weteia taani kairiiri ma aia aobitia barongan Iteraera, b'a N na uota te boki aei ma ni wareki taekana ni kabane nakoimi, ao N na wetea karawa ma aonnaba b'a taani kakoaua b'a kam atai b'aai ni kabane aika kam kantaningaaki b'a kam na karaoi.
29I a kaani mate, ao I ataia b'a ae kam na aki tabe ngkana kam karaoa ae eti ke e bure, ao ane kam na aki ongotaeka iroun te UEA ma ni katoka maiuakinan te kawai are I a tia n tuangingkami b'a kam na maiuakinna. Ane na un te UEA, ao ane a na roko taian kangaanga iroumi.
Ana Anene Moote30Ao Moote e tewea te boowi irouia Iteraera ni kabane, b'a e aonga ni kona n reireiniia taekan te anene are E a tia n anganna te UEA. Ao aikai taekana:
Who We AreWhat We EelieveWhat We Do
2025 by iamachristian.org,Inc All rights reserved.
