1Ao ngke e a bane karaoan ana Tembora te UEA, ao e a karin b'aai ni kabane Toromon ake e a tia ni katabui tamana are Tawita b'a a na b'ai te UEA i nanon te ruu ni b'ai, n reitaki ma te koora ao te tirewa, ao b'aai ake a kabonganaaki i bukin te taromauri.
Uotakin Te Atiniberita Iroun Toromon Nakon Te Tembora(1 Uea 8.1-13)2E a tia ni kaawakinaki te Atiniberita i aon te Maunga are Tion, are e ataaki naba n arana ae ana Kaawa Tawita.
3Ma e iangoia Toromon b'a e na kam'ainga te Atiniberita nakon te Tembora ngkana a bane ni mena aomata i Ierutarem ngkana a karaoa bukamaruan te Toa ae M'anganikaai i nanon te kaitiua n nam'akaina.
Ao e weteia ni kabane taan kairiri aika a kakannato mai Iteraera.
4Ao ibonga ma kanoan Rewi, a anaa te Atiniberita, Um'antabunrianna,
5ao b'aai ake a kabonganaaki i bukin te taromauri, ao a uoti nakon te Tembora.
6Ao a m'ananga Toromon ma te koraki n aomata i matan te Atiniberita, ao a manga kareani riki taian tiibu ma kao aika e aki reke warekaia i aon kawaia.
7A uota te Atiniberita taian ibonga nakon te Tabo are Moan te Tabu ao a kaaki i aan baiia baika a maiu,
8ake a rabuna te Atiniberita ma taian kainamoamo i bukin uotakina.
9A rangi n anaanau taiani kainamoamo n te aro are a bon ti konaa n nooraki mai tinanikun te Tabo are Moan te Tabu, ao akea riki. Ao a tiku ikanne man te tai anne.
10Bon ti uoua b'aai ake a kaawakinaki i nanon te Atiniberita b'a taian atiibu aika a raababa aika uoua ake e katikui Moote ngke e karaoa ana boraraoi te UEA ma ana aomata n te Maunga are Tinai, i mwiin kaotinakoaia mai Aikubita.
11Ao a bane n tia n nako ibonga mani m'akoro nako i bukin kaitiakaia i bon irouia b'a a aonga n itiaki ma ni butim'aeaki iroun te UEA.
12A kunnikainiia n te niiniira te rinen aika a tamaroa taani katangitang ake kanoan Rewi, n reitaki ma Ataba, Eman, Ierutun, ao natiia m'aane ao aia koraki. A tei i mainikun te baonikarea, ma ni katang taian timbara, aabi aika a uarereke, ao b'aai ni katangitang aika taiani karai.
13Tebubua uangaun te ibonga aika a raoniia taani katangitang aikai, ao a katangi taian buu.
A neboa te UEA ni katangi b'aini katangitang ma n anene:
“E raoiroi te UEA,
ao akea tokin ana tangira.”
Ao e a karina naba ni kaonaki nanon te Tembora n te nang ngke a kiitana te tabo are moan te tabu ibonga.
14E mena mimitongin te UEA i nanon te nang arei, ao e rangi n raaitiiti te oota ae e nako mai iai n te aro are a aki konaa n tiku ibonga i nanon te Tembora ni karaoa aia m'akuri.
Who We AreWhat We EelieveWhat We Do
2025 by iamachristian.org,Inc All rights reserved.
