1Ai tib'a uabwi ma teuana ana ririki ni maiu Tetekia ngke e rineaki b'a te uea i aon Iuta, ao e tautaeka mai Ierutarem i nanon tebwi ma teuana te ririki. Tinana are Nei Amutara bon natin Ieremia te aine, Ieremia are man te kaawa are Ribena.
2E aki ongotaeka Tetekia i roun te UEA, n aron naba are e karaoia Ieoiakim,
3ao bon Tetekia are e a manga kakaitaraa Nebukaneta n te kabanea n tai.
A a tia kaain Iuta ao Ierutarem n rangi ni kauna te UEA n te aro are n tokina e a tannako mairouia. Ao bon anne bukina are e riki iai b'aai aika a rangi ni kakamaaku.
4N ana karuaiwa n ririki ni uea Tetekia, n te katebwina n nam'akaina, e a kairiia ana taanga ni buaka ae e b'anin Nebukaneta mai B'aburon ni buakana Ierutarem. A katea aia kaemb'a te taanga ni buaka arei i tinanikun te kaawa ao a katei b'ain tam'arakean oon nako te kaawa.
5Ao a katobibia ni karokoa ana katebwi ma teuana n ririki Tetekia ni uea.
6N te karuaiwa ni bongin te kaaua n nam'akaina n te ririki naba anne, ngke e a roko ni korakorana te rongo ao akea kanaia aomata,
7ao e a uruaki oon te kaawa. Ni bon te tairiki naba anne, a kataia Etekia ni biri nako man mataroan te kaawa are i rarikin ana nne n aroka te uea, e ngae ngke a bon ataia b'a e katobibiaki te kaawa irouia aia kairiribai. E biri nako ni kaineta te M'arua are Ioretan,
8Ma a kakioa te uea are Tetekia ana taanga ni buaka B'aburon, ao a reke i rarikin Ieriko, ma a bane ni birinako ana tautia ni uamaae nako nakon taabo aika a kakaokoro.
9E uotaki Tetekia nako Ribena n te aba are Amata, ike e a baairea iai taekana Nebukaneta ao e reke n te bure.
10A tiringaki natin Tetekia mm'aane ao taian mataniwi bon i matana,
11ao i mwiina, a autii kanoan matana ni kanakoi. E kabaeaki n taian tiein, ao i mwiina, a uaakinna nako B'aburon ao a kaawakinna n te karabuuti ni karokoa matena.
12E reke Ierutarem i nanon ana katebwi ma ruaiwa n ririki Nebukaneta ni uea i aon B'aburon.
E kaaniia te nam'akaina i mwiina, e roko i Ierutarem ana mataniwi Nebukaneta are e tararuaia taan tei. Arana bon Nebutaratan.
13E kabuoka Ana Tembora te UEA, ao ana bareti te uea, ao auti ni kabane aika a kakannato i nanon te kaawa.
14Ao i mwiina, e tuangiia tautian B'aburon b'a a na urui oon nako Ierutarem.
15E kairiia nako aomata ake taiani nikira n te kaawa, n reitaki ma aomata ni kabane ake a kakaonimaki ngkoa nakon Nebukaneta, ao ai nikiraia taani m'akuri aika a m'aatai, ao bon tabeman naba kaain Iuta aika a kainano.
16Bon ti aomata aika a rangi ni kainano aika a tiku b'a a na m'akuri n te nnenikureebe ao taian tawaana.
17A urui taian boua ake taian buraati kaain B'aburon ao taiani kaintei ake a buubuti ake a mena n te Tembora, n reitaki naba ma te boora are e buubura are e aranaki b'a Taari, ao a uoti taiani buraonti ni kabane nako B'aburon.
18A bon uoti nako naba taian tiabora ao baanin te ai, b'aintiringan te taura, taiani boora ni katimtim, rauraun te b'ai ni kaboiarara, ao b'aai ni kabane ake tabeua ake a kamanenaaki n te Tembora.
19A anai b'aai ni kabane ake a karaoaki man te koora ma te tirewa: taiani boora, baanin te ai, taiani boora ni katimtim, taiani baan, kaintei ake a buubuti, taian raurau i bukin te b'ai ni kaboiarara, ao m'angkon te wain.
20A a aki konaa ni katineaki b'aai ake a karaoaki n te buraonti ake e a tia ni karaoi te Uea are Toromon i bukin te Tembora, boua ake uaai, kaintei ake a buubuti, te boora are e buubura are e aranaki b'a Taari, ao taiani kaomm'aane ake tengaun ma uoman ake a riki b'a kainteina.
21A rangi n ab'ab'aki boua akekei b'a e nakon wanua te miita ab'akiia ao nimaua te miita mronroniia n teaina. A b'angab'anga nanoia, ma e nakon itibwi ma nimaua te mirimiita matenin te buraati.
22Bon iai b'araia ni kauaai ae uoua te miita rietaia ae e katamaroaaki n te banna aika taian buraonti. Tabeua taian banna aikai ti te bo ma taian tiein ao tabeua kaanga taian bamkuranete.
23Bootan m'aitin taiani bamkuranete aika a karauaki raoi ni baaireaki marangaia bon ruabwi ma onoua, ni katobibia taian boua ake uaai, ao tebubua bootan m'aitin taiani bamkuranete i aon taian tiein.
Uotakinako ia Kaain Iuta Nako B'aburon24I mwiina, a katiki Teraia are te mataniwi ni ibonga ma te tia buokia are Teb'ania, ao mataniwiin te Tembora aika teniman i roun Nebutaratan
25Ao i mwiina, e katika temanna mai buakoia mataniwiin te taanga ni buaka, itiman mai buakoia ana taan iango te Uea are Tetekia, ao te aobitia are e tararua aron ikotakiia te taanga ni buaka i bukin te buaka. E kuneia naba onongaun riki tautia aika a mena naba i Ierutarem.
26Ao e anaia Nebutaratan nakon te uea i B'aburon, are e mena n te kaawa are Ribera
27n te aba are Amata. Ao e a anaaki i roun te uea ikekei ma n oreaki ni karokoa matena.
A uotaki nako kaain Iuta mai abaia nakon te kataenikaiaki.
Uotakinako ia Kaain Iuta b'a taenikai28Aikai m'aitiia ma araia koraki ake a uotaki nako i roun Nebukaneta b'a taenikai: n ana kaitiua n ririki ni uea e uotia nako 3,023;
29ao n ana katebwi ma wanua n ririki, mai Ierutarem;
30ao n ana kauabwi ma tenua n ririki, 745, a uotaki nako i roun Nebutaratan. Bootaia bon 4,600 m'aitiia aomata aika a uotaki nako.
31Bon te taenikai Ieoiakin i B'aburon i nanon tenibwi ma itiua te ririki. Ao i mwiina, e a uea te Merotaka te Buakaka i aon B'aburon, ao n ana moan ririki n tautaeka, n te kauabwi ma nimaua ni bongin te kauabwi n nam'akaina, e a kaotinakoa Ieoiakin man te karabuuti.
32Merotaka te Buakaka e nang akoi nakon Ieoiakin ao e karinea riki nako ia aia uea ake tabeman ake a karabuutinaki ikekei.
33E kariaiakaki Ieoiakin ni kunnikainna n aron kunnikaia aomata ao ai tiaaki te kaboraoi ni bure, ao e bon am'arake naba n ana taibora te uea ni katoa bong.
34E bon kabooaki Ieoiakin ni katoa bong, e anganaki ana m'ane b'a e na karekei baike e bon kainanoi.
Who We AreWhat We EelieveWhat We Do
2025 by iamachristian.org,Inc All rights reserved.
