Warekaia Iteraera 33 - Kiribati New Version Bible

M'anangaia Iteraera Mai Aikubita nako Moaba

1Ngke a m'ananga Iteraera i aan ana kairiri Moote ma Aaron,

2ao Moote, e taui aran taabo ake a katei auti n rianna iai, n aron reireiana iroun te UEA. Ao aio tauan rongorongon m'anangaia:

3A kiitana kaawan Aikubita are Rameteti Iteraera ni katebwi ma nimauan bongin te moan nam'akaina. Bon aei te bong are i mwiin katuaeakiia antin Aikubita iroun te UEA ngke E tiringiia nati mm'aane aika karimoa n aia utu nako kain Aikubita ni kabane.

4Ma ngaia are, ngke a tabe n tauniia maate, ao a tarataraia Iteraera ngke a tabe ni kakatonga ni m'anangaia ni kiitana abaia.

5Ao ngke a tia ni kiitana Rameteti Iteraera, ao a katei auti n rianna i Tukota,

6ao a manga kam'ainga aia maeka mai ikanne nako Etam i mataniwiin te rereua.

7Ao i mwiina, a manga rairaki nako Bi Airota, are i mainikun B'aara-Tebon, ao a manga katei auti n rianna i Miketora.

8A manga kitana Bi Airota ri nanon Taari are Mate, ao i mwiina, a m'ananga i nanon tenibong nakon Rereuan Etam, ao a katei auti n rianna i Maara.

9Ao i mwiina, a manga katei maeka i Erim, ike a mena iai tebwi ma uoua taian koburake n ran ao itingaun aroka aika baam.

10A manga kitana Erim ao ni maeka i rarikin Taari are Uraura,

11ao a manga rairaki nako mainiku, ao a katei maeka i mataniwiin Rereuan Tinai are mai maeao.

12Ao mai ikanne,

13a manga nako Tobika, Aruti, ao Rebirim,

14ike akea iai aia ran.

15A kitana Rebirim, ao n tokina a roko n Rereuan Tinai.

16Ao ngke a m'ananga Iteraera man Rereuan Tinai nako Kateti n Rereuan Tin,

17ao a katei maeka i Kiberota Ataawa,

18i mwiina, Aterota,

19i mwiina, Ritema,

20i mwiina, Rimmon bereti,

21i mwiina, Ribena,

22i mwiina, Rita,

23i mwiina, Keerata,

24i mwiina, te Maunga are Tebera,

25i mwiina, Arata,

26i mwiina, Makerota,

27i mwiina, Taata,

28i mwiina, Tera,

29i mwiina, Miteka,

30i mwiina, Moterota,

31i mwiina, Bene iaakan,

32i mwiina, Ora akitekata,

33i mwiina, Ioteb'ata,

34mwiina, Aberona,

35i mwiina, Etion Keeb'a,

36ao te kabanea Keteti.

37Ao ngke a kitana Kateti, ao a roko n te Maunga are Ora, i aon tian Etom.

38Ao arei te tabo are e tuangaki iai Aaron iroun te UEA b'a e na tam'arakea te maunga. Ao e mate Aaron ikekei ni moanibongin te kanimaua n nam'akaina, abwi te ririki i mwiin kitanan Aikubita irouia Iteraera.

39Ai bon 123 ana ririki ni maiu n te tai anne Aron ngke e mate.

40Ao te uea are uean Arata, are uean Kanaan are maeka n te rereua are i Maiaki i Kanaan, e ongo taekaia Iteraera b'a i aon kawaia n roko.

41A kiitana te Maunga are Ora Iteraera,

42ao a kaineta Moaba.

43Ao aikai taabo ake a katei maeka iai i aon kawaia:

44Taremona, Bunon, Obota,

45Iie abarim are n aban Moaba,

46Ribon kata, Aremon riberataim,

47n te tabo are i rarikin te Maunga are Nebo ni Maungan Abarim,

48ao te kabanea, n aaba ake a rinano i Moaba i rarikin te Karaanga are te Ioretan i Ieriko ni iteran te karaanga are teuana.

49Ao e a bon wenenako naba aia maeka mai Beta Ietimota nako Akatia.

Ana Babaaire te UEA B'a E Na Tauaki Kanaan

50Ao ngke a maeka Iteraera n aaba ake a rinano i Moaba i rarikin te Karaanga are te Ioretan ni kaaitaraa Ieriko n iteran te karaanga are teuana, ao E tuangaki Moote iroun te UEA

51b'a e na taekina Ana rongorongo nakoia Iteraera ae kaangai:

Ngkana kam ri aon te Karaanga are te Ioretan ma n niniia Kanaan,

52ao kam na kakioia nako aomata ake a maeka ikekei. Kamaunai aia bouananti, ao urui aia baonikarea.

53Ao i mwiina, kam na maekana te aba---I a tia n anganingkami b'a abami.

54N na kaota nako imi aron tib'atib'aakin te aba i aoia baronga, ni kaineti ma m'aitin taian kaainga n ami baronga n tatabeua nako.

55Ngkana kam aki kakioia nako aomata ni kabane akekei, ao ane a na riki b'a kaanga taian kai aika kakang i nanon matami, ao taian m'akei i nuukami. Ao ane a na riki b'a ami kanganga n taai nako,

56ao N na karaoa ae aki raoiroi nako imi n aron are I a tia ni baaireia b'a N na karaoia nako ia.