Mataio 10 - Kiribati New Version Bible

Taan Tuatua ake Tengauni ma Uoman(Mareko 3.13-19; Ruka 6.12-16)

1Ao E weteia ana reirei Iesu ake tengauni ma uoman, ao E anganiia te m'aaka i aoia tamnei aika kam'araa b'a a na kanakoia, ao te m'aaka ni katoki aoraki ni kabane ma mamaara ni kabane.

2Aikai araia taan tuatua ake tengauni ma uoman: te moa n ara bon Timon, are arana teuana Betero, ao Anterea are tarina; ao Iakobo are natin Tebetaio, ao Ioane are tarina;

3ao Biribo, ao B'aretorom'aio; ao Toma, ao Mataio are te tia anai taekiti; ao Iakobo are natin Areb'aio, ao Tataio;

4ao Timon are te Kananaian, ao Iuta are aranaki b'a Itekariota, are kam'anea Iesu.

Aia M'akuri Uake Tengauni ma Uoman(Mareko 6.7-13; Ruka 9.1-6)

5E kanakoia uake tengauni ma uoman Iesu, ao E tuangiia ni kangai, Tai nako n taabo aika a mena iai aomata akana tiaki I-Iutaia, ao tai rin n aia kawa I-Tamaria;

6ma, kam na nakoia Iteraera ake a tia n riki b'a kaanga tiibu aika bua.

7Ao ngkana kam nako, ao aei kanoan ami kab'arab'ara: “E a kan roko Uean te Atua!”

8Kam na kamaiuia akana aoraki; kamaiuia akana a tia ni mate; katoki reberaia akana rebera, ao kanakoia taimonio. I a tia n anganingkami te m'aaka ni karaoi baikai n akea boona mai roumi. Ma ngaia are kam na nako ao karaoi naba baikai nakoia tem'angina n akea boona.

9Tai ua m'ane;

10 ao ai bati ra riki irouia atongaia kaain ana utu n aara aika bubuaka riki!

Teuare Riai ni Makaki(Ruka 12.2-7)

26 ane i nanon te rab'ata; ma kam na maka Teuare kona ni kamatea i Keenna te rab'ata ma te aomata ni koaua ane i nanon te rab'ata.

29Tiaki a kaboaki uoman te tib'aaro n te boo ae rangi n uarereke? Ao bon akea temanna i buakoia ae na b'aka i aontano ngkana tiaki nanon te Atua.

30Ao ae e a moamoa riki, a bane ni warekaki iran atuumi.

31Ma ngaia ae kam na tai maaku; b'a kam bongana riki nakoia tib'aaro aika bati.

Kaotan Tauani Bukin Iesu ao Kakeaana(Ruka 12.8-9)

32Ma ngaia aei, b'a ane kaotia i mataia aomata b'a raona Ngai, ao Ngai I a manga kaotia i matan Tamau are i karawa b'a raou ngaia.

332 Tim 2.12Ma ane kakeaai i mataia aomata, ao Ngai I a manga kakeaa naba i matan Tamau are i karawa.

Tiaki te Raoi, ma te Kabaang(Ruka 12.51-53; 14.26-27)

34Tai taku i nanomi b'a I roko b'a N na uota te raoi nako aonnaba: I aki roko b'a N na uota te raoi, ma I roko b'a N na uota te kabaang.

35I roko b'a N na kauna te nati te mm'aane nakon tamana, ao te nati te aine nakon tinana, ao te ainenum'a nakon tinani buuna;

36ao ane a na riki ana utu te aomata b'a ana kairiribai.

37Ane tangira riki tamana ma tinana nako Iu, ao e aki tau b'a e na riki b'a au reirei; ao ane tangira riki natina te mm'aane ke natina te aine nako Iu, ao e aki tau b'a e na riki b'a au reirei.

38Mataio 16.24; Mareko 8.34; Ruka 9.23Ao ane aki uota ana kaibangaki n irirai n ri mwiu, ao e aki tau b'a e na riki b'a au reirei.

39Mataio 16.25; Mareko 8.35; Ruka 9.24; 17.33; Ioa 12.25Ane kawakina maiuna, ao e na boni kabua; ao ane kabua maiuna i buku, ao e na boni karekea.

Kaniwanga(Mareko 9.41)

40 Ruka 10.16; Ioa 13.20; Mareko 9.37; Ruka 9.48 Ane m'aneingkami n akoingkami, ao e m'aneai n akoai; ao ane m'aneai n akoai, ao e m'anea n akoa Teuare kanakoai.

41Ane m'anea n akoa te burabeti i bukina b'a te burabeti, ao e na karekea kaniwangana ae ti te bo ma te kaniwanga i bukin te burabeti; ao ane m'anea n akoa te aomata ae raoiroi, ao e na anganaki te kaniwanga ae ti te boo ma te kaniwanga i bukin te aomata ae raoiroi.

42Ao ane anga ti te m'angko n ran ae m'aitoro nakon temanna i buakoia aika uarereke aikai ngkae e atongaki b'a au reirei, ao e koaua ae I a tuangngkami b'a e na bon anganaki kaniwangana.