1Ao e a tia ni kanakoa Ieoiakin are natin Ieoiakim te mm'aane man te nakoa ni uea i aon Iuta te Uea are Nebukaneta, ao e a manga kauea Iotia are natin Tetekia te mm'aane n onea mwiina.
2Ma Tetekia ma ana mataniwi ao aomata ni kabane ake i Iuta, a aki tabe ma b'aai ni kabane ake E a tia n tuangai te UEA.
3Ao Tetekia e kanakoa Ieukara are natin Teremia te mm'aane ao te ibonga ae e rietaata are Teb'ania are natin Maateia te mm'aane b'a a na buubutiai b'a N na tataro i bukina ma te botannaomata nakon te UEA ae Atuara.
4I bon tuai ni karinaki n te karabuuti b'a I bon inaomata n nakonako n aki akaaka i buakoia aomata.
5Ao a tia ana taanga ni buaka B'aburon n taua Ierutarem, ma ngke a ongo ae a tia n ri aon tian Aikubita, ao a koerikaaki.
6Ao i mwiina, E tuangai te UEA ae Atuaia Iteraera b'a N na
7taetae ni kaangai nakon Tetekia, “Ae i aon kawaia ana taanga ni buaka Aikubita n buokiko, ma ane a na manga okira mwengaia.
8Ao i mwiin anne, ane a na manga oki kaain B'aburon ni buakana Ierutarem, ma n te tai aei, a nang taua te kaawa ae e buubura ma ni kauraarakea.
9Ko na aki kananobabako n iangoia b'a a na manga oki nako naba kaain B'aburon n aroia are rimoa.
10E ngae ngkana kam konaa ni kataenikaia aia taanga ni buaka ni kabane ma ane e na bon reke naba aia tai aika ikoaki aika nikira ni maiu ni kiitan aia autinrianna ma ni kaurarakea Ierutarem.
Karinakin Ieremia N Te Karabuuti11Ao a tia n nako ana taanga ni buaka B'aburon i bukina ngke e nang roko ana taanga ni buaka Aikubita ni buokiira.
12Ma ngaia are, I iangoia b'a N na kiitana Ierutarem ma n nakon abaia te baronga are Beniamin n uneakina tib'angau man te aba are tib'an au utu.
13Ao I kiitana Ierutarem man te Mataroa are Beniamin, ao ngke I katokaki i roun Iriia, te aobitia are e tararuaia tautia ake a mena n te mataroa. Ao e taku, “Ieremia, ko na katikaki i bukina ngkai ko kataia n raoniia kaain B'aburon.”
14Ao I kaeka ni kaangai, “Kai I aki kataia n raoniia!” Ma e aki kan ongo Iriia, ao e anaai nako ia ana mataniwi te uea.
15Ao a bononnanoai ao a anga ngai b'a N na oreaki ao a kainai i nanon ana auti Ionatan, are te tia koroboki n te bowi ni kaburebure, are e a tia ni karaoaki ana auti b'a te karabuuti.
16Ao i katukaki n te karabuuti ae e mena i aan te tano ma ni katukaki ikekei n te tai ae e maan.
17I mwiina riki, ao e kanaanako weteau te uea are Tetekia n te aro ni karaba, ao I anaaki nakon te bareti, ike I a titirakina iai ni kaangai, “Iai te rongorongo nakoira mai roun te UEA?”
Ao I kaeka ni kaangai, “Eng teuae ko karineaki, iai. E taku te UEA b'a E nang karokoa uean B'aburon b'a e na kataenikaiko.”
18Ao i mwiina, I reitanako au taeka ao I kaangai, “Teuae ko karineaki, E aera ngkai ko karinai n te karabuuti? I a tia ni kaairua n eekinakoko ma am mataniwi ke te botannaomata?
19Ko a tia ni kainiia burabeti ake a keekeweiko ngke a taku b'a e na aki konaa B'aburon ni buakana Ierutarem?
20I buutiiko b'a ko na aki kaokai nakon te karabuuti arei are ana auti Ionatan. N na bon mate ngkana ko karaoa anne.”
21Ao e anga ngai te uea are Tetekia b'a N na kainaki n te karabuuti n aia katawanang taan tei n te bareti. E tuangiia tautia b'a a na angaanganai te kariki mai buakon ake a kam'aaki ni katoa bong ni karokoa banen te uita man te kaawa.
Who We AreWhat We EelieveWhat We Do
2025 by iamachristian.org,Inc All rights reserved.
