1Ao e nako Tawita nakon Aimereka are te ibonga i Nob'a. Ao e otinako Aimereka ni kawara Tawita ma te ruru ni maaku ao e titiraki ni kaangai, “E aera ngkai ko nako mai ma ti rab'atam?”
2Ao e kaeka Tawita ni kaangai, “E kanakoai te uea, ma e tuangai b'a N na aki tuanga temanna b'a tera ae N na karaoia. Ao i bukiia au rorobuaka, a na kawarai n te tabo teuana.
3Ao tera ngkai te b'ai ae tauraoi mairoum? Ko na anganai nimaua te kariki ke b'aai nako akana iai iroum.”
4Ao e taku te ibonga, “Akea te kariki n aki akaaka b'a ti te kariki are e tabu; ko konaa ni kanna ma am rorobuaka, ma kam na aki kanna ngkana am rorobuaka a tia ni wene ma te aine ngke tairiki.”
5Ao e taku Tawita, “A bon tuai ni karaoa anne. A bon kakaitiakiia au rorobuaka ni kaineti ma aron te taromauri, e ngae ngkana ti aki m'ananga i bukin te aro; ao ai kaakawakira riki m'anangara aei ngkai bon te m'ananga mairoun te uea!”
6Ma ngaia are, e angan Tawita te kariki are e tabu, i bukina ngke bon ti kariki ake a kareanaki nakon te Atua ake a mena i rouna, ake e a tia ni kanakoi man te taibora are e tabu ao e a manga onei mwiina n te kariki ae e boou.
7E mena ikekei ana mataniwi ni kaawakin man Tauro ae arana Toeka, are kaain Etom, b'a e roko ikekei n te bong arei, b'a e na kakoroa nanon tuan te taromauri.
8Ao e taku Tawita nakon Aimereka, “Iai iroum te kainiwai ke te kabaang b'a ko na anganai? E rangi ni kawaekoaai te uea ni kam'anangaai n te aro are e aki reke au tai n anaa au kabaang ke au b'ai ni buaka.”
9Ao e taku Aimereka, “Iai irou ana kabaang Koria are kaain Biritia, are ko tiringnga ngkoa n te m'arua are Era, ane e mena i akuun te ebota, ae e niiraki n te kunnikai. Anaia ngkana ko tangiria b'a bon ti ngaia te b'ainibuaka ikai.”
Ao e taku Tawita, ko na anganai, “Akea riki teaina riki ae e raoiroi riki!”
10Ma ngaia are, e a manga biri nako naba Tawita mairoun Tauro, ao e nakon te uea are Kiti are uean Kata.
11Ao a taku ana mataniwi te uea nakon Akiti, “Tiaki Tawita aei, are uean abana? Aei te rorobuaka are a aneneia aine ngkana a m'am'aie ni kaangai, “E a tia n tiringiia tengaa Tauro, ma e a tia n tiringiia tebwiina tengaa Tawita.”
12E karaua ni iangoa te b'ai are a taekinna Tawita, ao e a rangi ni maaka te uea are Akiti.
13Ma ngaia are, ngke a katobibia, ao e bakaaea te rangi ni baba Tawita, ao e karaoa aron te aomata ae e mino; ao a kataia ni katokia man arona arei ma ngaia, e koroboki n aki akaaka ni mataroan te kaawa ao waawaanako baawarena i aon buaina.
14Ao e taku Akiti nakoia ana mataniwi, “Nooria! E rangirang raomi anne! E aera ngkai kam kairia nako iu?
15Kam a manga karokoa riki te rangirang temanna? Kam aera ngkai kam karokoa riki temanna b'a N na manga un naba i rouna n ana m'akuri nako ni baba i nanon au auti ikai?”
Who We AreWhat We EelieveWhat We Do
2025 by iamachristian.org,Inc All rights reserved.
