1A utim'aaka Iotua ma aomatan Iteraera n te bong are i mwiina, a kiitana Titim nakon te Ioretan ni manga kaemb'a iai i m'ain ae a ri nanon te karaanga.
2I mwiin tenibong ao a m'ananga taan kairiri ri nanon te maeka,
3ma n tuangiia aomata ni kaangai, “Ngkana kam nooria ibonga n uouota Ana Ati ni Berita te UEA ae Atuami, ao kam na baarongai ami b'ai ao kam na rimwiia nako.
4A na kaota te kawai nakoimi b'a kam aki ataa tabuaiakan te tabo aei. Ma kam na aki kaania te Atiniberita; taua raroami mai iai tao te itera ni maire.”
5E kaangai Iotua nako ia, “Kam na tabui ngkami b'a e na karaoi kakai te UEA nakon te ingabong i buakomi.”
6Ao e a manga tuangiia ibonga b'a a na rimoaia aomata ma te Ati ni Berita, ao a karaoa are a tuangaki.
7E taku te UEA nakon Iotua, “Ane ko nang karineaki irouia aomatan Iteraera ni baika N na karaoi n te bong aei, ao a na kakoauaa b'a I bon buokiko naba n ai arou naba ngke I buoka ngkoa Moote.
8Tuangiia ibonga ake a uouota te Atiniberita b'a a na tei ngkana a roko ni kaneinein mataniwiin te Ioretan.”
9Ao e taku Iotua nakoia Iteraera, “Nakomai ongora te b'ai ae E na taekinna te UEA ae Atuami.
10E na katotoroianako mai i m'aaimi kaain Kanaan, ma kaain Eta, ma Iwaite, ma Beritaite, ma Kirekataite, ma Amoraite ao kaain Iebuti. Ao ane kam na ataia b'a E memena te Atua ae maiu i buakomi
11ngkana kam noora Ana Ati ni Berita te UEA ae taua taekan aonnaba b'a e ri aon te Ioretan n rimoami.
12Ma ngaia are kam na rineia ngkai tengaun ma uoman m'aane; kakatemanna man barongan nako Iteraera,
13ao n te tai naba are a teboo iai waeia i mataniwiin te karaanga, ibonga ake a uouota Ana Ati ni Berita te UEA ae taua taekan aonnaba, ao e na toki raangan ranin te Ioretan, ao a na toki n raanga ma n ikoikotaki raan ake a raanga rikaaki n te itera are a raanga mai iai.”
14E a tao ranin te karaanga n te tai arei b'a bon tain te tai, ao a uouota te Atiniberita ibonga rimoaia aomata,
15ao a taeki aia auti n rianna aomata ma n rimwiia ibonga b'a a nang ri nanon te Ioretan. Ao ngke a tib'a tabe n ruo n te karaanga
16ao e a rina naba n toki raangan te ran, ao a ikoikotaki n te iterana ni karokoa te kaawa are Atam are i rarikin Taretan. Ao e a bon toki raangan te karaanga rikaaki ni karokoa taari are mate, ao a kona aomata n roko i Ieriko.
17A nakonako aomata i nanon te Ioretan i aon te tano ae m'au. Ao a tei ibonga ma Ana Ati ni Berita te UEA i nukan te Ioretan i aon te tano ae m'au naba, ni kababaneia raoi aomata ni karokoia ni iteran te karaanga are teuana.
Who We AreWhat We EelieveWhat We Do
2025 by iamachristian.org,Inc All rights reserved.
