1I a tia n ongo mai m'aaina b'aai ni kabane akana kam taekini.
2I atai ni kabane. I bane n atai n ai arom.
Kam aki wanawana riki nako Iu.
3Bon ti te b'ai i marenau ma te Atua, ao tiaki i marenau ma ngkami;
I tangiria ni kauntaeka arou ma Ngaia.
4Kam rabuni bangabaimi n taiani kewe,
kaanga ai aroia taokita ngkami aika aki kona ni kamaiuia aomata.
5Kam wanawana riki ngkana kam aki kakarongoa!
6Tai kakarongoa ngkana I kaeta taekau,
ao kakauongo nakon au kauntaeka.
7E aera ngkai kam kewe?
Tao kam taku b'a kam buoka te Atua n ami kewe?
8Ngkami ngkai ae kam na tei i bukin te Atua?
Ngkami aika kam na kauntaeka i bukina n te kabowi?
9Ngkana tao E karaua n taraingkami te Atua, iai te b'ai ae raoiroi ae na kunea i roumi?
Kam taku b'a kam kona ni bureburea te Atua n ai aron burebureaia aomata?
10E ngae ngkana kam tei i bukin te Atua ma iai nanomi ae nanonano ae raba,
ao E na bon kaeti ngkami naba.
11Ko na maaka mimitongin m'aakana.
12A na riki am taeka n rabakau aika akea maneia b'a kaanga taiani mannang.
A na mamaara am kauntaeka kaanga te bokaboka.
Tai Karongoa Ngkana I Taetae13Tai karongoa ma karekea au tai n taetae moa.
Ao ni kariaia b'aai ni kabane akana riki n aroia nako.
14N na bon tauraoi n anga maiu.
15A bane ni bua au kantaninga, ao tera ngkana arona b'a E tiringai te Atua?
B'a N nang kaeta taekau nako Ina.
16Tao N na boni kamaiuaki ngkana I tei ni matoatoa i matan te Atua,
ngkai bon akea aomata aika buakaka aika tauraoi ni kaitaraa te Atua.
17Kakauongo nakon te b'ai ae N na kab'arab'ara,
18I a tia ni katauraoa au taeka nakon te kabowi;
b'a I ataia b'a bon akea au bure.
19Ko na tauraoi ni kaaitaraai n te kabowi, te Atua?”
b'a ngkana Ngkoe, ao I tauraoi n aki taetae ao ni mate.
20Taiaoka, b'a N na bubutiiko b'aai aika uoua, ao Ko na kariaia;
N na bon aki kataia ni karabai nako Im.
21E a tau katuaaeau, ao an tai kamanatuaai n te b'ai ae kakamaaku.
22Taetae moa Atuau, ao N na kaekako;
ke kariaiai b'a N na taetae moa, ao Ko na kaekaai.
23Tera au bure? Ao baika ra au kaairua?
Ao tera au bure ae na baireaki taekau iai?
24E aera ngkai Ko karabai matam mairou,
ao Ko aranai b'a te kairiribai?
25Ko kataia ni kakamaakai ma bon ti te banikai ngai ae akea korakorana.
Ko buakanai ma bon ti te uteute ae m'auteretere ngai, ae akea arona.
26B'a Ko katuaaeai ni baika a matoatoa,
ao Ko karawawataai i bukin au bure ngkoa ngke te rikirake ngai.
27Ko kabaei waeu n te b'ai ni kabaewae,
ao Ko aki ti tabeakina nakonakou
ma Ko kakatanem'anekai naba m'anekau.
28I b'aka ni bo-rarabaua n ai aron te kai ae mka,
ke kaanga te kunnikai ae kanna te koa.
Who We AreWhat We EelieveWhat We Do
2025 by iamachristian.org,Inc All rights reserved.
