1E taku Tawita i bon i rouna, “E na bae n tiringai Tauro i nanoni boong aikai. E raoiroi riki irou ngkana I biri nako Biritia. Ane e na kakaaeai Tauro i aon Iteraera ao N na bon maiu iai mai rouna.”
2Ma ngaia are, a kawaekoaia n nako Tawita ma ana rorobuaka ake 600 n te tai naba arei nakon Akiti are natin Maoka te rorobuaka, are uean Kata.
3Ao a tiku Tawita ma ana rorobuaka i Kata ma aia utu. E kairiia buuna Tawita ake uoman ake Nei Ainoam are kaain Ietireera, ao Nei Abikaira buun ngkoa Nab'ara, are kaain Karemera.
4Ao ngke e ongo Tauro b'a e biri nako Tawita nako Kata, e aki manga iangoa kakaaeana.
5E taku Tawita nakon Aikiti, “Ngkana arona b'a raoraou ngkoe, ao ti butiiko b'a ko na anganai au kaawa teuana ae e uarereke ikai ae N na maeka iai. Bon akea kainanoana irou b'a N na kaai ni maeka ma ngkoe n atuun kaawan te tua.”
6Ma ngaia are, e anganna Rakiti te kaawa are Tikeraka, ao bon aei bukina ngkai e b'ainaki te kaawa ae Tikeraka irouia uean Iuta man te tai arei ni karokoa ngkai.
7E maeka Tawita i Biritia i nanon tebwi ma onoua nam'akaina.
8I nanon te tai anne, Tawita ma ana rorobuaka a buakaniia kaain Keturaite, Kiritaite, ao Amareka, ake a maeka n te aono anne n te tai ae rangini maan. E na kurib'aia abaia ni karokoa Tiura, ni manga ruorikaaki ni karokoa Aikubita,
9a tiringiia rorobuaka ma aine ni kabane, ao a anai taian tiibu, kaao, taian aati, kamero, ao ai uana naba ma taian kunnikai. Ao i mwiina, a na manga okira Akiti,
10are e na manga titirakiniia ni kaangai, “Kam kurib'ai ia n te tai aei?” Ao e na tuangnga Tawita b'a a nako m'akoron Iuta maiaki ke nakon aban te kaainga are Ierameera ke te aba are e maeka iai kanoan Kenaite.
11E na tiringiia aomata ni kabane Tawita, rorobuaka ma aine, b'a e aonga n ae akea ae e na konaa n okira Kata n taekina te b'ai are a tia ni karaoia ma ana rorobuaka. Aikai baika e karaoi Tawita n ana tai ni kabane are e maeka iai i Biritia.
12Ma e onimakina Tawita Akiti ao e taku i bon i nanona, “E rangi n ribaaki irouia oin ana aomata aika Iteraera ao e na bon m'akuri ibuku ni kabane maiuna.”
Who We AreWhat We EelieveWhat We Do
2025 by iamachristian.org,Inc All rights reserved.
