1Ao a katauraoi nakon te buaka kaain Biritia ao a bootia aia taanga ni buaka b'a a na buakana te kaawa are Toko i Iuta. Ao a katea aia kaemb'a i Ebeti-Tammim, i marenan Toko ma Ateka.
2Ao a katea aia kaemb'a Tauro ma Iteraera i aon te tabuki are kaaitaraa M'aruan Era,
3ao a katauraoia nakon buakanakiia tautian Biritia ake a mena n iteran te m'arua are teuana.
4Ao iai aia boto kaain Biritia ae arana Koria are kaain te kaawa are Kata, ao ruaiwa tabun te buuti ab'akina.
5E b'aranna n te buraati ao nangoan rab'atana ma b'ab'aana ma waena aika taian buraati naba.
6Rawawatan nangoan b'ab'aana n ti ngaia e kaaniia 125 te b'auna. E uouota te kabaang ae te buraati ae kabaeaki i nuukana,
7ao e rangi ni buubura ana kainiwai. Rawawatan are ti tabona e raka i aon 15 te b'auna. Ao iai te tautia temanna ae ririmoan Koria ma otangana.
8Ao e otinako Koria, ao e tatakarua nakon ana taanga ni buaka Iteraera:
Tera ae kam a bon boborein iai? Aio te tia buaka mai Biritia ae bane arona, ao ngkami rinea ane kam taku b'a te tia buaka ae bane arona man ana taanga ni buaka Tauro b'a n na bo ma ngaia!
9Ngkana I mate i rouna, ao a na riki ara aomata b'a ami toro. Ma ngkana e mate i rou, ao kam na riki b'a ara toro.
10I kaewenakoa ngkai temanna man ana taanga ni buaka ae b'anin Iteraera! Rinea temanna ane n na bo ma ngaia!
11Ao a ongo Tauro ma ana m'aane te b'ai are e taekinna Koria, ma a maaka Koria ao akea te b'ai ae a karaoia.
Kaitiboon Tawita ma Tauro12Ao e a kara taman Tawita are Iete, are kaain te kaainga are Eberata are maeka i Betereem i Iuta. Bon waniman natin Iete m'aane:
13natina te karimoa bon Eriaba, i mwiina bon Abinataba, ao Tamm'a bon te kateniman.
14A nako n ira ana buaka Tauro uaake teniman aikai.
Tawita bon ana bina Iete.
15E nako ni kaawakiniia ana tiibu tamana, ao e aki toki ni m'am'ananga i marenan Betereem ma ana kaemb'a Tauro.
16Ao e otioti nako Koria ni katoa ingabong ni kakaotinakoia i nanon 40 te bong.
17Ao n te bong teuana, ao e taku Iete nakon Tawita, “Kawaekoako n uotaanako te baeki n uita ae tinimaki aei ao taian kariki aika tebwina aikai nakoia tarim ake n aia kaemb'a n te taanga ni buaka.
18Ao aikai tebwina taian tiiti ae ko na uoti nakon mataniwiia taani buaka. Ao ongora b'a tera aroia tarim ao n uota rikaaki te b'ai ae kanikinaea aroia b'a uara.
19A mena n ana taanga ni buaka Tauro, ni buakaniia kaain Biritia n te M'arua are Era.”
20Ao e ongotaeka Tawita iroun tamana. E utim'aaka n te ingabong are i mwiina ao katuka temanna b'a e na kaawakiniia taian tiibu; ao e katauraoi uotana ao e a nako. E roko n aia kaemb'a tautia ngke a tabe tautia ni baaireia nakon te bo ni buaka ma n tatakarua.
21Ao a tei tautian Iteraera ma tautian Biritia ni kaaitaraia i bon i rouia.
22Ao e katuka te aomata temanna ma ana b'ai ao uotana ao e birinako nakon te bobuaka n titirakiniia tarina b'a a uara.
23Ao ngke e tabe n taetaenikawai ma ngaiia, ao e otinako Koria ma aia itera kaain Biritia ao e taetae ni kamoamoa n aroarona ni kawai. Ao e ongo Tawita ana taeka.
24Ao ngke a noora Koria tautian Iteraera, ao a maaku ao a birinako.
25Ao a taku i bon i rouia, “Bon nooria e aki toki n otioti nako ni kakaotinakoira. Ao e na anga te kaniwanga ae buubura te uea nakon ane kona n tiringnga. Ao e na mare naba te m'aane anne ma te natinuea te aine, ao a na aki kakab'aka aia taekiti ana utu ni kabane.”
26Ao e titiraki Tawita nakon te tautia are e mena i rarikina ao e taku, “Tera ae na reke nakon te m'aane are tiringa kaain Biritia arei ma ni katokia man kakaotinakoaia ara aomata? Tao e taku b'a tera ngaia kaain Biritia ae akea manenana aei? E b'ainingarea Ana taanga ni buaka te Atua ae maiu!”
27Ao te tautia, e tuanga Tawita te b'ai are na anga te uea nakon ane tiringa Koria.
28Ao e ongongo ana taetaenikawai Tawita ma tautia natin Iete are te ikawai are Eriaba. Ao e un Eriaba nako ina ni kaangai, “Tera ae ko karaoia ikai? Antai ngkanne ane kaawakiniia tiibu ake uarereke i nanon te rereua? Te ataei ngkoe ae ko buakaka! Ko ti nako mai b'a ko na noora te buaka, tiaki ngaia anne?”
29Ao e taku Tawita, “B'a tera ae I karaoia. E bure naba ngkana I ti titiraki?”
30Ao i mwiina, e a manga rairaki nakon te tautia are temanna man titiraki naba ana titiraki are mai m'aaina, ao tabeua riki, ao e bon anganaki naba kaekaana ae ti te bo ma ake e kaekaaki iai mai m'aaina.
31Ao a ongo ana taeka Tawita tabeman tautia, ma ngaia are, a tuanga Tauro baike e taekin Tawita. Ao e kananako wetean Tawita Tauro, ao e roko Tawita.
32Ao e taku, “Te uea ae ko karineaki, e aki riai kaain Biritia aei n araniira b'a ti kibiubiu. N na nako ni bo ma ngaia n ti ngai!”
33Ao e taku Tauro, “Ko bon aki bootau ma ngaia. Ko bon uarereke, ao ngaia, e a tia n tautia i nanon te tai ae maan.”
34Ma e taku Tawita nako ina:
Te uea ae ko karineaki, I kakawakiniia ana tiibu tamau. Ao ngkana e katitikaki nako temanna iroun te raian ke te bea,
35I nako n ri mwiina, ao I batibooa te mannikaakang ni karokoa e kanakoa te tiibu. Ao ngkana e a manga rairakiai te mannikaakang n un nako iu, ao I raweia mai roroana, ao I tiringnga.
36Teuae ko karineaki, I a tia n tiringi raian ma taiani bea n te aro anne, ao I bon kona riki n tiringa kaain Biritia ae akea manenana aei. E riai n aki b'ainingareia ana taanga ni buaka te Atua ae maiu!
37E a tia te UEA ni kamaiuai man ukinibain te raian ma te bea, ao E na bon kawakinai mani bain te I-Biritia aei.
Ao e taku Tauro, “E raoiroi, ko na nako ni bo ma ngaia. Ao bon au kantaninga b'a E na kaawakiniko te UEA.”
38Ao e buuti kunnikaina ni buaka Tauro ma ni karin i aon Tawita, ao e angan Tawita te b'ara te buraati.
39Ao e anaa te kabaang Tawita, ao e kataia ni m'ananga teutana, ma e aki taneiai ni kamanenai baikekei.
Ao e taku Tawita, “I aki kona ni m'ananga ma b'aai aikai. I aki taneiai ni kamanenai.”
Ao e buuti baikekei Tawita
40ao e anaa ana kai ni kairiia tiibu. Ao e nakon te karaanga ae uarereke n anai ana atiibu aika maranran aika nimaua ao e nnei n ana buua ae te kunniman. Ao e m'ananga ni kawara Koria ma ana bana i nanon baina.
Tiringakin Koria Iroun Tawita41Ao e m'ananga Koria ni kaaitaraa Tawita n ri mwiin te tautia are uouota otangana.
42Ao Koria, ngke e noora Tawita b'a bon te ataeinim'aane ae marurung ma ni botonim'aane, ao e b'ainingareia.
43Ao e taku Koria, “Ko nakomai ma te kai b'a ko taku b'a te kamea ngai?” Ao e kamaraia Tawita n aran atuaia kaain Biritia
44ao e takaarua ni kaangai, “Nakomai! Ngkana I tia n tiringko, ao I a anganiia mannikiba ma mannikaakang rab'atam b'a kanaia!”
45Ao e taku Tawita:
Ao ngkoe, ko nakomai b'a ko na un ma ngai n te kabaang ma te kainiwai ma te biti ae uaitera wiina. Ma ngai, I nako im b'a n na un ma ngkoe n aran te UEA ae Moan te M'aaka. Bon Atuan aia taanga ni buaka Iteraera, ae ko a tia ni b'ainingareia naba!
46E na buokai te UEA n te bong aei b'a n na tokanikai i aom. N na oroiko ni kab'akako, ao n na korea atuum ni kanakoa, ao n na anga rab'ataia tautian Biritia ake tekorakina nakoia ma mannikiba ma mannikaakang. Ao e na ataaki n te aonnaba b'a bon te Atua ni koaua Atuaia Iteraera.
47A na bane n nooria aomata b'a E aki kainanoa te kabaang ma te kainiwai te UEA ngkana E kamaiuia Ana aomata. E totokanikai n taai nako te UEA n te buaka, ao E na bon buokiira b'a ti na konaingkami.
48Ao ngke e tetere Koria, ao e biri Tawita nako ina.
49E kanim'a te atiibu n ana bana ao e katiotioa ni kaona. Ao ngke e kanakoa kaona are teuana, ao e kibanako te atiibu ao e bo iai ram'an Koria. Ao e b'aka ni bobaraaki i aontano.
50Ao Tawita e kona Koria n ana bana ma te atiibu. E aki kamanena te kabaang n tiringnga.
51Ao e biri Tawita ni buuta ana kabaang Koria. Ao e kabongana ni korea iai atuun Koria.
Ao ngke a noora te b'ai are riki kaain Biritia nakon aia boto, ao a birinako.
52Ma a takaarua Iteraera ma Iuta ao a kakioia ni karokoa Kata ao Ekeron. Ao e wenerua rab'ataia kaain Biritia i nanon te kawai mai Taaraim nako Kata ma Ekeron.
53Ao ngke a oki Iteraera man kakioakiia kaain Biritia, ao a anai b'aai ake a tangiri man aia kaemb'a aia kairiribai.
54Ao e uota atuun Koria Tawita nako Ierutarem, ma e a tia ni kaawakina ana b'ainibuaka Koria i nanon are bon ana autinrianna.
Rikin Tawita B'a Temanna Ana Aobitia Tauro55Ao i mwiin nooran Tawita iroun Tauro ngke e nako n un ma Koria, ao e rairaki Tauro nakon ana kam'anta n ana taanga ni buaka, ao e taku, “Abenera, antai te ataeinim'aane arei?”
Ao e taku Abenera, “Te uea ae ko karineaki, I bon berita b'a I tuai kinaa.”
56Ao e taku Tauro nako ina, “Ao kakaaea b'a antai!”
57Ao ngke a oki Tawita man unna ma Koria, ao e bon uouota naba atuun Koria.
Ao e kaira Tawita Abenera nakon Tauro,
58ao e taku Tauro, “Antai ngkoe?”
“Bon Tawita ngai ae natin Iete te m'aane, ae te aomata ae kakaonimaki ae te Iteraera man te kaawa are Betereem.”
Who We AreWhat We EelieveWhat We Do
2025 by iamachristian.org,Inc All rights reserved.
