1Ao e nako n te Tembora Betero ma Ioane n tain te tataro are te aoa tenua n te tanimaeaontaai.
2Ao e uotaki te aomata temanna ae e a kamani m'auku mai nanoni biroton tinana, ae kaweweneaki n te bong ae koraki n te mataroa are arana Tamaroa, are te mataroa n rin nakon te Tembora, b'a e na bubuti b'aai n tituaraoi mairouia aomata aika rin n te Tembora.
3Ngke e nora Betero ma Ioane b'a a nangi rin n te Tembora, ao e bubutiia aia b'ai n tituaraoi.
4A katokai mataia Betero ma Ioane n taraia, ao e taku Betero nakoina, “Taraira!”
5Ao ngaia e taraia, b'a e taku i nanona b'a tao a na anganna te b'ai teuana.
6Ma e taku Betero, “Bon akea au tirewa ma au koora i rou, ma N na anganiko ae iai i rou: Nakonako n aran Iesu Kristo are te I-Natareta!”
7E taua ataina Betero, ao e kateirakea; ao n te tai naba arei ao a riki ni marurung waena ma tomaia.
8Ao e ewe rake n tei, ao e nakonako, ao e rin ma uakekei n te Tembora, n nakonako ma n ewewe, ma ni karaoiroa te Atua.
9A bane aomata n noria b'a e nakonako ma ni karaoiroa te Atua:
10ao a ataia b'a bon teuare tetekateka ni bububuti n te mataroa are arana Tamaroa, are te mataroa n rin nakon te Tembora; ao a bon rangi ni mimi n te baere e riki nakoina.
E Taetae Betero i nanon te Tembora11Ngke e tabe teuarei ni kakanimnimm'a i rarikini Betero ma Ioane ao a rangi ni mimi aomata, ao a biri ni botaki nakoia n te kaman are aranaki b'a ana kaman Toromon.
12Ngke e nooriia aomata Betero n te aro arei, ao e taku nakoia:
Mm'aane aika Iteraera, kam aera ngkai kam mimi iroun teuaei? Ao kam aera ngkai kam katokai matami n taraira b'a aongkoa ti kanakonakoa teuaei n oini m'akara ma raoiroira i matan te Atua?
13Atuan Aberaam, ma Itaaka, ma Iakob'a, are Atuaia ara bakatibu, E neboa Natina are Iesu, are kam anga ao kam kakeaa i matani Birato, ngke e a tia n reke ana baire b'a e na kainaomata.
14 mairoun te UEA; ao E aonga ni kanakomaia te Kristo are Iesu, are E a kaman rineia i bukimi.
21E riai tikuna i karawa ni karokoa te tai are a bane iai b'aai nako ni kaokaki nakon aroia ngke a moa ni karikaki, n aron are E taekinna te Atua ni wiia burabeti ake ngkoa, ake a tia ni kabane maiuia i bukina.
22B'a e kaangai Mote, “Ane E na kateirakea te burabeti temanna te UEA ae te Atua i bukimi mai buakoia ami botannaomata, b'a ai arou; kam na ongo i rouna ni b'aai ni kabane akana E na atong nakoimi.
23 ao E kanakoa moa nakoimi, b'a E na kakab'aiaingkami, n rairingkami ni kabaneingkami man aromi aika bubuaka.
Who We AreWhat We EelieveWhat We Do
2025 by iamachristian.org,Inc All rights reserved.
