1E taku te UEA:
2Etekiera ae natin te aomata, ko na kabuaakakaia kaain Etom
3ao ko na kaangai nakoia:
I a riki Ngai ae te UEA ae te Atua
b'a ami kairiribai ngkai!
Ao N na onika ami botannaomata nakon
te aba ae akea manenana ae akea kanoana,
4ao kam na kiitan ami kaawa aika a buubura n urubekebeke.
E na riki abami b'a te rereua,
ao ane kam na ataai iai
b'a bon te UEA Ngai.
5Kaain Etom, kam aki ti riki b'a ana kairiribai Iteraera n te tai ae e maan, ma kam bon tarataraia naba ngkana a kamaunaaki nako aomatana n te kabuanib'ai i bukin aia bure nako.
6Ma ngaia ae ngkai bon te UEA ae te Atua Ngai ae I maiu, ao ko reke n te bure n tiritiri ao ko bon riai n tiringaki.
7N na tiringiia am botannaomata ni kabane akana a nakonako i nanona.
8A na onrake aon am maunga ao e na onrake nanon am m'arua nako.
9ao e na wene n uruaki abam n aki toki. Bon akea temanna ae na manga maeka riki i nanon am kaawa nako. Kam na ataia b'a bon te UEA Ngai.
10Kam taku b'a ami b'ai te botannaomata ae Iuta ao Iteraera, ao ko konaa n taua taekan abaia. Ma bon Atuaia Ngai,
11ao ngkai I bon maiu, N na katuaaeko i bukin karaoan ae e aki raoiroi nakoia Au aomata ngke ko un nakoia ao ko ribaia. Ao ane a na ataia b'a boni Ngai ae te UEA ae I katuaaeko!
12Ao ane ko na ataia n tokina b'a I ataia ae I ongo ngarem ngke a uruakaki ao ko taku b'a am b'ai abaia ae ko na anaia.
13Ko bon kamatauningaai naba, ma I ongo ni kabane.
14A na bane ni karaoa aia bootaki ni kukurei aomata n te aonnaba ngkana I kamaunanakoko,
15n arom naba ngke ko karaoa am bootaki ni kukurei ngke e kamaunaaki Iteraera. E na riki n akea manenan am botannaomata ae Etom b'a e na riki b'a te aba ae akea manenana. Ao ane ko na ataia iai b'a bon te UEA Ngai.
Who We AreWhat We EelieveWhat We Do
2025 by iamachristian.org,Inc All rights reserved.
