1Ao a bootia kaain te baronga are Eberaim ao a ri nanon te Karaanga are te Ioretan ni butim'aea Iebeta i Tabon. Ao a taku nakoina, E aera ngkai kam buaka ma kaain Ammon, ao kam aki tuangiira b'a ti na buokingkami? Ngkai kam karaoa anne, ao ti na kabuoki ami auti ma ngkami.
2Ao e taku Iebeta, Ma I bon butingkami buokara ngkoa ngke ti unun ngkoa ngaira ao kaain Kireata ma kaain Ammon, ao bon akea te b'ai teuana ae kam buokiira iai.
3Ma ngaia are, ngke ti a ataia b'a, ao ti a bon iangoi maiura ni buakaniia kaain Ammon. Ao E buokira te UEA ni kataenikaia. Bon akea bukin rokomi ni buakaniira n te bong aei.
4Ma a taku kaain Eberaim, Bon ti te bo ngkami kaain Kireata ma taan birinako n rawei maiuia mai Eberaim. Ao kam maeka naba n te aba ae abaia kaain te baronga are Eberaim ma Manate.
Ma ngaia are, e botiia tautian Kireata Iebeta, ao a buakaniia kaain Eberaim ma ni kataenikaia.
5Ao tautian Kireata a teiakin taabo nako ike a riri nanon te Karaanga are te Ioretan iai tautian Eberaim n okira abaia.
Ngkana iai tautian Eberaim are ri nanon te karaanga, ao a kaangai taan tei nakoina, Kaain Eberaim ngkoe ke tiaki?
Ao ngkana e kaangai te aomata anne, Tiaki kaain Eberaim ngai.
6Ao a na manga kaangai nakoina, Atonga te taeka ae Tiboreta, b'a a ataia ae a aki kona ni kaeta taekinan te taeka anne kaain Eberaim ma a na kaangai, Teiboreta.
Ma ngaia are, ngkana a atonga ae kaangai Teiboreta, ao a taua naba ma n tiringnga naba ikekei. Ao a tiringaki 42,000 m'aanen Eberaim n te buaka n te Ioretan.
7Bon te tia kairiiri Iebeta irouia kaain Iteraera i nanon 6 te ririki i m'aain matena, ao e taunaki n ana kaawa are Mitib'a i Kireata.
Ibetan8Ao te tia kairiiri are i mwiina bon Ibetan i aon Iteraera, are e nako mai Betereem.
9Bon 30 m'aitiia natina aine ao 30 naba natina m'aane, ao e kaieiniia ma kaain kaainga tabeua i tinanikun ana kaainga.
E kairiiri Ibetan i nanon 70 te ririki
10i m'aain matena, ao e taunaki i Betereem.
Eron11Te tia kairiiri are i mwiina bon Eron i aon Iteraera. E kairiiri i nanon 10 te ririki
12i m'aain matena, ao e taunaki i Aiiaron are abaia kaain te baronga are Teburun.
Abeton13-15Abeton bon natin Irera ao te tia kairiiri i mwiina i aon Iteraera. Bon iai natina m'aane aika 40 m'aitiia ao 30 m'aitiia tibuna m'aane, ao a bane n toa ma aia man te aati. E kairiiri Abeton i nanon wanua te ririki i m'aain matena, ao e taunaki n ana kaawa are Biraton, are e mena ni m'akoron aaba ake a tabukibuki i Eberaim are a maeka ngkoa iai kaain Amareka.
Who We AreWhat We EelieveWhat We Do
2025 by iamachristian.org,Inc All rights reserved.
