1Ao ngke e oki ni buakaniia kaain Biritia Tauro, ao e tuangaki b'a e mena Tawita n rereuan Enkeri.
2Ma ngaia are, e kairiia ana tautia aika 3,000 aika a bane aroia i aon Iteraera ao a nako ni kakaaea Tawita ma ana rorobuaka i mainikun te tabo ae B'aan Kooti Aika A Aki Manana.
3Ao e roko n te nangananga ni b'aa ae e kaan ma taian oo n tiibu tabeua i rarikin te kawai ao e nako b'a e na rairaki. Ao ngaia bon te nangananga ni b'aa are e karabaa iai Tawita ma ana rorobuaka.
4Ao a taku nakoina, “Aio am tai! E a tia n tuangko te UEA b'a E na kaaki am kairiribai i aan m'aakam ao ko konaa ngkai ni karaoa ane ko bon taku.” Ao e kawakawa nako Tawita ao e korea rabin ana kunnikai Tauro n te aro ae e na aki namakinna.
5Ma e a manga aki rau ana iango Tawita,
6ao e taku nakoia ana rorobuaka, “E na bon aki kariaia te UEA b'a N na karaoa ae e aki raoiroi nakon au toka, are bon te uea ae e rineaki! N na bon aki tiringnga, b'a bon au uea ae e rineaki iroun te UEA!”
7Ma ngaia are, e anaa nanoia ana rorobuaka Tawita b'a a na aki buakana Tauro.
Ao e teirake Tauro, e kiitana te nangananga ni b'aa ao e waakina nako kawaina.
8Ao e otinako Tawita n ri mwiina ao e takaarua nakoina, “Te uea ae ko karineaki!” Ao e rairaki Tauro, ao e boobaraaki Tawita nako aontano ni karinea
9ao e taku, “E aera ngkai ko ongo irouia aomata aika tuangko b'a aongkoa I kan tiringko?”
10ko konaa n nooria raoi b'a E a tia te UEA n anga ngkoe nako aani m'aakau. A tuangai tabeman au rorobuaka b'a N na tiringko, ma I nanoangaiko ao I taku b'a N na bon aki kona n tiringko, b'a boni ngkoe temanna ae E a tia n rineiko te UEA b'a ko na uea.
11Taraia tamau, noora rabin am kunnikai aei ae I taua aei! I a tia ni konaa n tiringko, ma I aki b'a I ti korea kunnikaim aei. E na teretere iroum ngkanne b'a bon akea au iango ni kakaaitarako ke ni kan tiringko. Ko kakaaeai b'a ko na tiringai, e ngae ngke bon akea te b'ai ae I a tia ni karaoia ae e buakaka.
12Ke e motikitaekara te UEA b'a antai ae e bure mairoura! Ke E katuaaeko i bukin arom nako iu, b'a N na bon aki karaoa te b'ai teuana nakoim.
13Ko bon ataa te taeka ni kawai teuana ae e kaangai, “E karaoaki te buakaka irouia aika a bon buakaka.” Ma ngaia ae, N na bon aki karaoa ae e buakaka nakoim.
14Ani bon noora aron uean Iteraera ngkai e kataia n tiringai, ngai ae kaanga ai aron te kamea ae e mate, ke utin te man!
15E na motikitaeka te UEA, ao e na kakaaea b'a antai mairoura ae e bure, Tera ngke e bon taraa te b'ai ae e riki, E na tei ibuku, ao E na kamaiuai mairoum.”
16Ao ngke e bane ana taeka Tawita, ao e taku Tauro, “Boni ngkoe anne Tawita, Tawita ae natiu?” Ao e a tang.
17Ao i mwiina, e taku nakon Tawita, “Ko bon eti, ao I bure. Ko a tia ni karaoa ae e rangi n raoiroi nako iu, ao ngai I bon karaoa ae buakaka nako im.
18Ko a tia ni kaotiko n te bong aei b'a ko bon rangi n raoiroi nako iu, ko aki tiringai, e ngae ngke e kaaki taekau te UEA i nanon baim!
19Bon akea te aomata ae e a tia n reke ana kairiribai i nanon baina ao e a manga kanakoa ma te rau. E na kakab'aiako te UEA n te b'ai ae ko a tia ni karaoia nako iu n te bong aei!
20Ngkai I bon ataia b'a ko na uea i aon Iteraera ao e na reitinako te abanuea anne i aan am tautaeka.
21Ma ko na berita nako iu n aran te UEA b'a ko na kab'arai aia bure au kariki, b'a e aonga n aki m'anuokina arau ma aran au utu.”
22Ao e berita Tawita b'a e na karaoa arei.
Ao i mwiina, e a nako Tauro n okira mwengana ao a manga oki nako Tawita ma ana rorobuaka nakon nneia ni karaba.
Who We AreWhat We EelieveWhat We Do
2025 by iamachristian.org,Inc All rights reserved.
