1A tia ni karaoaki Ana Tembora te UEA ao ana bareti Toromon, ao e a tia Toromon ni karaoi b'aai ni kabane ake e tangiri.
2Tabeua te tai i mwiina, ao E kaoti riki te UEA nakon Toromon n te mii, n aron are E a tia ni karaoia naba i Kibeon.
3Ao E taku te UEA:
I ongo am tataro b'a te b'ai are ko butiai b'a N na karaoia. N na taromauriaki n taai nako n te Tembora ae ko karaoia aei. Bon Au b'ai, ao N na bon tarataraia n taai nako.
4Ko ongotaeka irou n aron are e karaoia tamam are Tawita, ao ko na b'aina te nano ae e koaua, ao e raoiroi. Ongotaeka nakon Au tua ma Au reirei,
5ao N na kaawakina Au berita ma Tawita are e na uea n taai nako i aon Iteraera temanna man ami kariki.
6Ma ngkana ko aki ongotaeka ke e aki ongotaeka kanoam temanna nakon Au tua, ke ni manga taromauri anti tabem'aang,
7ao N na aki kamaekaia Iteraera n te aba ae I a tia n anganiia. N na kamaunaa te Tembora aei, are a tia n taku b'a nneu n taromauriaki. Ao ane a na taku botannaomata tabeua b'a tiaki te torongaki ni botannaomata te botannaomata aei, ao ane a na b'ainingareia.
8E na riki te Tembora aei b'a te b'ariko n atiibu. A na tiaoki akana a nakonako i rarikina, ao a na titiraki ni kaangai, E aera ngkai E karaoa te b'ai ae e kakamaaku aei nakoia ana Aomata ma ana Tembora?
9Ao ane a na kaekaaki ni kaangai, Ti ataa bukin karaoan aei iroun te UEA. A tia aomatan Iteraera n aki kakaonimaki nakon te UEA ae Atuaia, are E kamaiura mai Aikubita, ao a manga taromauri anti tabem'aang.
B'aai Riki Ake E Karaoi Toromon10E bane 20 te ririki i bukin karaoan ana Tembora te UEA ma ana bareti Toromon.
11Rimwi riki, e anga 20 te kaawa Toromon ake n aonon Kariraia nakon Iram are uean Turo b'a boon mwiin taian tiira, ma m'aiango, ao koora ake e angan Toromon.
12Ao ngke e nako Iram n noori kaawa akekei, ao e aki tangiri.
13Ao e taku, Toromon ae raoraou, ao aikai ngkai kaawa aika ko anganai? Ma ngaia are, e arana te aono arei Iram b'a Kabura, i bukina ngke e taku b'a akea bonganani kaawa akekei.
14Ao e ti kanakoi nimaua te tan te koora nakon Toromon b'a kaboan mwiina.
15Ao ngke a tia ni katiaa karaoan te Tembora ma te bareti ana taani m'akuri Toromon, ao e a manga tuangiia b'a a na nakon te aba are i mainikun Ierutarem ni karaoa te nono ni katobibia te kaawa, ao ni manga karaoi kaawa ake Atora, Mekito, ao Ketera.
16E kaman taua te kaawa are Ketera uean Aikubita; e kabuokia n kamaunanakoa ao e tiringiia kaain Kanaan ake a maeka ikekei. Ao i mwiina e b'aintangiraia nakon natina te aine ngke e mare ma Toromon.
17Ma ngaia are, e a manga karaoa te kaawa arei Toromon.
E a manga karaoi kaawa aika Beta-Oron i nano,
18Baarata, ao Tatemora n rereuan Iuta.
19Ao e karaoi taiani kaawa ike e na konaa ni kaawakin iai ana b'ai nako ma ana kaanibuaka, ao taian aoti. E karaoi Toromon n taabo nako ake e bon taku i aon Iteraera, Reb'anon, ao n taabo nako i nanon abanueana.
20-22Ao e aki kairoroia Iteraera Toromon ni karaoa ana m'akuri. E karaoia b'a ana tautia, ana aobitia, ana taani kairiiri, ana mataniwi n tautia, ana taan toka i aoni kaanibuaka, ao ana taani kabuti kaanibuaka. Ao e karaoia kaain Amora, kaain Eta, kaain Beriti, ao kaain Iebuti ake a maeka i Iteraera. Bon aikai kanoaia i anena ake a aki konaa Iteraera ni kamaunaia, ao a tiku n riki b'a aia toro Iteraera.
23Ao e rineia 550 ana aobitia Toromon ake a na tararuaia taani m'akuri, ao a na tararuaa waakin te m'akuri ni kateitei.
24Ao e m'ae buun Toromon are natin uean Aikubita mani m'akoron Ierutarem nikawai nakon ana bareti ae e boou. Ao i mwiina, e a manga kamatoa riki te aba are i mainikun Ierutarem Toromon.
25Ao e katoa tenua te tai n te ririki Toromon ni kakabuoki ana karea are te boiarara nakon te UEA i aon te baonikarea are e karaoia. E a bane raoi ngkai karaoan Ana Tembora te UEA iroun Toromon.
26Ao a m'aiti naba ana kaibuke i Etion keeb'a, te kaawa i Etom i rarikin Erota n Taari are Mate.
27Ao e m'ananga te uea are Iram ma tabeman ana kaimoa aika a bane aroia
28nakon te aba are Obira ma ana kaimoa Toromon ao a uotirikaaki e kaaniia 14 te tan te koora b'a ana b'ai Toromon.
Who We AreWhat We EelieveWhat We Do
2025 by iamachristian.org,Inc All rights reserved.
