1E taku te UEA ae te Atua:
2Etekiera ae natin te aomata, ko na kabuakakaia kaain Ammon
3ao tuangiia ni kaangai:
Kam karaoa ami bootaki ni kukurei ngkana e uruaki au Tembora, ngkana e b'aka Iteraera, ao ngkana a uotaki nako Au aomata b'a taenikai.
4Ngkai N nang karaoingkami b'a kam na kataenikaiaki irouia barongan rereuan mainiku. A na katea aia kaemb'a i nanon abami ao a na kang uaan arokami ao a na nim ami miriki.
5E na riki kaawan ami tautaeka are Rab'a b'a te tabo ae akea boongana ma ana riki taabo n uteute i bukiia kaamero, ao nikiran te aba b'a te tabo n uteute i bukiia tiibu. Ao ane kam na ataai iai b'a bon te UEA Ngai ae te Atua.
6Kam ribaa Iteraera ao kam ubouboi baimi ao n tatakarua mani booa ami bootaki ni kukurei.
7Ma ngaia ae N na anga ngkami nakoia kairiribai aika a na kimoaingkami. N na kamaunaingkami ni kabane. E na aki tau nikiraia ami aomata ni manga karika riki ami botannaomata, ao ane kam na ataai iai b'a bon Ngai ae te UEA ae te Atua ae I karaoi baikai ni kabane.
Motikan taekan Moaba8E taku te UEA ae te Atua, “Kaain Moaba, ngkai ti te bo Iuta ma botannaomata ake tekorakina,
9ao N na karaoia b'a e na buakanaki oona ma tian abana nako, n reitaki ma Beta-Ietimota, Baara-Meon, ao Kiriataim.
10Bon barongan naba te rereua are i mainiku are buakana Ammon ae e na buakana naba Moaba, n aron naba Ammon ae e na m'anuokinaki te aba taekana n aki toki,
11E na katuaaeaki Moaba. Ao i mwiina, ane a na ataia aomata b'a bon te UEA Ngai.
Motikan taekan Etom12Ao E a manga taku te UEA ae te Atua, “A bure kaain Etom ngkai a karekea kain Iuta.
13Ma ngaia are, N na katuaaea Etom n tiringiia kaaina ni kabane ma ana nanai ni man. E na riki b'a akea boonganana ni moa mai Teman nako Tetan.
14N na kanakoia oin Au aomata b'a a na karekea kaiia kaain Etom n te aro b'a a na namakina korakoran uniu. Ao a na ataai b'a bon te UEA Ngai ae te Atua ngkana I katuaaia.”
Katuaaean Biritia15E taku te UEA ae te Atua, “A tia kaain Biritia aika a iowawa ni kareke kaiia aia kairiribai n taai aika m'aiti ma ni kataia ni kamaunaiia.
16Ao ngkai manga au tai ni karaoia kaain Biritia b'a Au kairiribai ma n tiringiia ni kabane aika a maeka n taiani kaawa ake i mataniwiin taari.
17N na kareke kaiia n uniu ae e korakora. Ao ane a na ataai b'a bon te UEA Ngai ngkana I katuaaia.
Who We AreWhat We EelieveWhat We Do
2025 by iamachristian.org,Inc All rights reserved.
